'ఒక మనసు' కథ ఆ సినిమాదేనా?
- IndiaGlitz, [Thursday,May 12 2016]
మెగా ఫ్యామిలీ నుంచి తొలి హీరోయిన్‌గా ప‌రిచ‌యం కాబోతోంది నీహారిక. నాగ‌బాబు గారాల ప‌ట్టి నీహారిక ఇప్ప‌టికే ప‌లు టీవీ షోల‌తో తెలుగు వారంద‌రికీ సుప‌రిచిత‌మే. ఇక వెండితెర‌పై ఆమె అభిన‌యం ఎలా ఉంటుంద‌నేది అతి త్వ‌ర‌లోనే తెలుస్తుంది. రామ‌రాజు దర్శకత్వంలో నాగ శౌర్య ప‌క్క‌న నీహారిక 'ఒక మనసు' అనే సినిమా చేస్తున్న సంగ‌తి తెలిసిందే. ఈ నెల 18న ఆడియోని విడుద‌ల చేయ‌నున్నారు. త్వ‌ర‌లోనే సినిమాని ప్రేక్ష‌కుల ముందుకు తీసుకురానున్నారు.
ఇదిలా ఉంటే.. ఈ సినిమా ఓ మ‌ల‌యాళ చిత్రం ఆధారంగా తెర‌కెక్కుతోంద‌ని వార్త‌లు వినిపిస్తున్నాయి. న‌జ్రీయా, 'ప్రేమ‌మ్' ఫేమ్ నివిన్ పౌలీ జంట‌గా న‌టించిన 'ఓం శాంతి ఓషానా' అనే చిత్రం ఆధారంగా 'ఒక మనసు' రూపొందింద‌ని తెలుస్తోంది. ఒరిజ‌న‌ల్‌లో న‌జ్రీయా పాత్ర చుట్టూనే సినిమా తిరిగితే.. అదే ఎన‌ర్జిటిక్ లెవ‌ల్స్‌తో 'ఒక మనసు' కూడా నీహారిక చుట్టూనే తిరుగుంద‌ని స‌మాచారం. మ‌రి ఈ క‌థ‌నాల్లో ఎంత వాస్త‌వ‌ముందో త్వ‌ర‌లోనే తెలుస్తుంది.