యంగ్ టైగ‌ర్ ఎన్టీఆర్ చిత్ర నిర్మాణ రంగంలోకి అడుగు పెడుతున్నాడా? అంటే అవున‌నే స‌మాధానం సినీ వ‌ర్గాల్లో విన‌ప‌డుతుంది. ప్ర‌స్తుతం తెలుగు సినిమాలోని నేటి త‌రం అగ్ర క‌థానాయ‌కులైన మ‌హేశ్‌, రామ్‌చ‌ర‌ణ్‌లకు సంబంధించిన బ్యాన‌ర్స్ ఇది వ‌ర‌కే ఉన్న‌ప్ప‌టికీ స్వంత బ్యాన‌ర్స్ పెట్టేసి సినిమాలు తీసేస్తున్నారు. కాగా.. ఇప్పుడు బ‌న్నీ కూడా మ‌రో కొత్త బ్యాన‌ర్‌ను పెట్టేశాడు. ఆ బ్యాన‌ర్‌లో సినిమాలు చేయాల్సి ఉంది. ఇప్పుడు త్వ‌ర‌లోనే తార‌క్ కూడా స్వంత బ్యాన‌ర్ పెట్టుకోబోతున్నాడట‌. ఇప్ప‌టికే సోద‌రుడు క‌ల్యాణ్ రామ్ ఎన్టీఆర్ ఆర్ట్స్ బ్యాన‌ర్ ఉన్న‌ప్ప‌టికీ ఎన్టీఆర్ కొత్త బ్యాన‌ర్ పెట్టాల‌నుకుంటున్నాడ‌ట‌. కొడుకు, తండ్రి పేర్లు క‌లిసి వ‌చ్చేలా భార్గ‌వ్ హ‌రి ప్రొడ‌క్ష‌న్ హౌస్‌ను స్టార్ట్ చేయాల‌నుకుంటున్నాడ‌ట‌.

ఇప్ప‌టి వ‌ర‌కు హీరోగానే సినిమాలు చేస్తూ వ‌చ్చిన తార‌క్ ఉన్న‌ట్లుండి ఎందుకీ నిర్ణ‌యం తీసుకున్నాడంటే.. అందుకు కార‌ణం.. రామ్‌చ‌ర‌ణ్ అని అంటున్నారు. ఎన్టీఆర్‌కు క్లోజ్ ఫ్రెండ్ అయిన రామ్‌చ‌ర‌ణ్ స‌ల‌హా మేర‌కే ఎన్టీఆర్ చిత్ర నిర్మాణ రంగంలోకి అడుగు పెట్టాల‌నుకుంటున్నాడ‌ట‌. మ‌రి తార‌క్ నిర్మాణ రంగంలోకి వ‌స్తాడ‌నే వార్త‌లు విన‌ప‌డుతున్నా.. ఎన్టీఆర్ క్యాంప్ నుండే అధికారిక స‌మాచారం రావాల్సి ఉంది కనుక వెయిట్ చేయ‌క త‌ప్ప‌దు.