விஜய்சேதுபதி, நயன்தாரா நடித்த ‘நானும் ரவுடிதான்’ என்ற படத்தின் படப்பிடிப்பின் போது அந்த படத்தின் இயக்குநர் விக்னேஷ் சிவனுடன் நயன்தாராவுக்கு காதல் ஏற்பட்டது என்பதும், அதன் பின்னர் கடந்த பல ஆண்டுகளாக காதலர்களாகவே வலம் வந்து கொண்டிருக்கும் விக்னேஷ் சிவன்-நயன்தாரா ரகசிய திருமணம் செய்து கொண்டதாகவும் தகவல் வெளியானது. ஆனால் இந்த தகவலை விக்னேஷ் சிவன் மறுத்துள்ளார்.

இந்த நிலையில் சமீபத்தில் கேரளாவில் ஓணம் பண்டிகையை கொண்டாடிய விக்னேஷ் சிவன்-நயன்தாரா காதல் ஜோடி, அதன்பிறகு கோவா சென்று விக்னேஷ்சிவன் பிறந்த நாளை கொண்டாடினார்கள் என்பது குறிப்பிடத்தக்கது.

இந்த நிலையில் தற்போது நயன்தாரா திருமணம் குறித்த புதிய வதந்தி ஒன்று இணையதளங்களில் பரவி வருகிறது. தேசிய விருது பெற்ற பின்னர்தான் தனக்கு திருமணம் என நயன்தாரா முடிவு எடுத்துள்ளதாக அவருக்கு நெருக்கமானவர்கள் கூறியதாக இந்த வதந்தி கூறுகிறது. ஏற்கனவே ’அறம்’ படத்திற்கு தேசிய விருது கிடைக்கும் என்று எதிர்பார்க்கப்பட்ட நிலையில் இனிமேல் அவருக்கு எப்போது தேசிய விருது கிடைப்பது? அதன் பிறகு எப்போது திருமணம் நடப்பது? என்று ரசிகர்கள் கேள்வி எழுப்பி வருகின்றனர்.