అత‌నొక్క‌డే, ప‌టాస్ చిత్రాల‌తో క‌థానాయ‌కుడుగా త‌న స‌త్తా చాటుకున్నాడు నంద‌మూరి వారి క‌థానాయ‌కుడు క‌ళ్యాణ్ రామ్‌. కెరీర్ మొత్తంలో క‌ళ్యాణ్ రామ్‌కి విజ‌యాన్నిచ్చింది ఈ రెండు చిత్రాలే కావ‌డం గ‌మ‌నార్హం. నిర్మాత‌గానూ బిజీగా ఉండే క‌ళ్యాణ్‌రామ్‌.. రెండేళ్ల క్రితం ర‌వితేజ‌తో కిక్ 2 నిర్మించాడు. ప్ర‌స్తుతం త‌న సోద‌రుడు ఎన్టీఆర్ త్రిపాత్రాభిన‌యంలో జైల‌వ‌కుశ చిత్రాన్ని నిర్మిస్తున్నాడు.

ఇదిలా ఉంటే.. ప్ర‌స్తుతం క‌ళ్యాణ్ రామ్ రెండు చిత్రాల్లో హీరోగా న‌టిస్తూ బిజీగా ఉన్నాడు. వీటిలో ఒక‌టి ఎమ్‌.ఎల్‌.ఎ కాగా, మ‌రొక‌టి జ‌యేంద్ర ద‌ర్శ‌కత్వంలో రూపొందుతున్న మ‌రో చిత్రం. ఈ రెండు చిత్రాల్లోనూ స్టార్ హీరోయిన్స్ న‌టిస్తుండ‌డం గ‌మ‌నార్హం.

ఎం.ఎల్‌.ఎలో కాజ‌ల్ హీరోయిన్ కాగా.. జ‌యేంద్ర ద‌ర్శ‌క‌త్వం వ‌హిస్తున్న చిత్రంలో త‌మ‌న్నా హీరోయిన్‌. ప్ర‌స్తావించ‌ద‌గ్గ విష‌యమేమిటంటే.. క్రేజ్ ఉన్న హీరోయిన్స్‌తో క‌ళ్యాణ్ రామ్ న‌టించిన సినిమాలు గ‌తంలో ఆశించిన విజ‌యాలు సాధించ‌లేదు. ప్రియ‌మ‌ణితో చేసిన హ‌రే రామ్ కానీ.. హ‌న్సిక‌తో చేసిన జ‌యీభ‌వ కానీ.. హిట్ లిస్ట్‌లో చేర‌లేదు. ఈ నేప‌థ్యంలో కాజ‌ల్‌, త‌మ‌న్నా అయినా క‌ళ్యాణ్‌రామ్‌కి క‌లిసొస్తారో లేదో చూడాలి.