தளபதி விஜய், 'மெர்சல்' என்ற சூப்பர்ஹிட் படத்திற்கு பின்னர் ஏ.ஆர்.முருகதாஸ் இயக்கவுள்ள படத்தில் நடிக்கவுள்ளார் என்பதும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளார் என்பதும் தெரிந்ததே. சன் பிக்சர்ஸ் நிறுவனம் பிரமாண்டமான முறையில் தயாரிக்கவுள்ள இந்த படத்தின் படப்பிடிப்பு வரும் ஜனவரி முதல் தொடங்கவுள்ளது

இந்த நிலையில் இந்த படம் 'கத்தி' படம் போலவே விவசாயத்தையும், விவசாயிகள் படும் துன்பங்கள், துயரங்கள் குறித்து விளக்கும் படம் என்றும், சமீபகாலமாக விவசாயிகளின் தற்கொலைகள் அதிகரித்து வருவதை இந்த படத்தில் ஆழமாக இயக்குனர் பதிவு செய்யவுள்ளதாகவும் கூறப்படுகிறது. எனவே இந்த படத்திற்கு கதைக்கு பொருத்தமான டைட்டிலாக 'கலப்பை' என்ற டைட்டிலை படக்குழுவினர் முடிவு செய்திருப்பதாக கூறப்படுகிறது.

இருப்பினும் டைட்டில் குறித்து படக்குழுவினர் அதிகாரபூர்வமாக அறிவிக்கும் வரை இதனை வதந்தி லிஸ்ட்டில் தான் வைத்திருக்க வேண்டும் என்பது குறிப்பிடத்தக்கது. அனேகமாக வரும் புத்தாண்டு தினத்தில் டைட்டில் அறிவிக்கப்படலாம் என்று எதிர்பார்க்கப்படுகிறது.