யோகிபாபுவை அடுத்த நயன்தாராவுக்கு ஜோடியாகும் கலையரசன்?
- IndiaGlitz, [Thursday,July 05 2018]
லேடி சூப்பர் ஸ்டார் நயன்தாரா, தனது கேரக்டர் வலுவாக இருந்தால் அந்த படத்தில் நடிக்கும் ஹீரோ, இயக்குனர் புதுமுகமாக இருந்தாலும் கொஞ்சம் கூட தயங்காமல் நடிக்கும் வழக்கத்தை உடையவர். அந்த வகையில் 'கோலமாவு கோகிலா' படத்தில் யோகிபாபு ஒருதலையாக நயன்தாராவை காதலிக்கும் கேரக்டரில் நடித்திருப்பார். வேறு ஒரு பெரிய நடிகை இதற்கு சம்மதித்திருப்பார்களா? என்பது சந்தேகம்,
அந்த வகையில் குறும்பட இயக்குனர் சர்ஜூன் இயக்கத்தில் நயன்தாரா, ஒரு படத்தில் நடிக்கவுள்ளார் என்று வெளிவந்த செய்தியை ஏற்கனவே பார்த்தோம். இந்த படத்தின் முக்கிய வேடம் ஒன்றில் நடிக்க கலையரசன் ஒப்பந்தமாகியுள்ளதாக் செய்திகள் வெளிவந்துள்ளது
கலையரசன், நயன்தாராவுக்கு ஜோடியாக நடிப்பதாக சமூக வலைத்தளங்களில் செய்திகள் பரவி வந்தாலும் இந்த தகவலை படக்குழுவினர் இன்னும் உறுதி செய்யவில்லை. மேலும் இந்த படத்திற்காக சென்னையில் உள்ள ஸ்டுடியோ ஒன்றில் பேய் பங்களா போன்று ஒரு செட் அமைத்து வருவதால் இந்த படம் ஒரு த்ரில் படமாக இருக்கும் என்று எதிர்பார்க்கப்படுகிறது