తెలుగులోని ఈ త‌రం అగ్ర క‌థానాయ‌కులంద‌రితోనూ ఆడిపాడిన క‌థానాయిక కాజ‌ల్ అగ‌ర్వాల్‌. ప‌వ‌న్ క‌ళ్యాణ్‌, మ‌హేష్ బాబు, ఎన్టీఆర్‌, ప్ర‌భాస్‌, రామ్ చ‌ర‌ణ్‌, అల్లు అర్జున్‌, రవితేజ‌.. ఇలా అంద‌రితోనూ కాజ‌ల్ జోడీ క‌ట్టింది. అంతేగాకుండా.. సీనియ‌ర్ అగ్ర క‌థానాయ‌కుడు మెగాస్టార్ చిరంజీవితోనూ క‌లిసి న‌టించింది. అలాగే త‌మిళంలోనూ విజ‌య్‌, సూర్య‌, అజిత్ వంటి టాప్ హీరోల‌తో ఈ ముద్దుగుమ్మ సంద‌డి చేసింది.

ఇదిలా ఉంటే.. ఈ టాలీవుడ్ చంద‌మామకి మ‌రో బంప‌ర్ ఆఫ‌ర్ త‌గిలింద‌ని కోలీవుడ్ వ‌ర్గాలు పేర్కొంటున్నాయి. అదేమిటంటే.. సూప‌ర్ స్టార్ ర‌జ‌నీకాంత్‌కు జోడీగా న‌టించే ఛాన్స్. కార్తీక్ సుబ్బ‌రాజ్ ద‌ర్శ‌క‌త్వంలో ర‌జ‌నీకాంత్ హీరోగా ఓ సినిమా రూపొందుతున్న సంగ‌తి తెలిసిందే. ఇందులో క‌థానాయిక‌గా చాలా మంది పేర్లు వినిపించాయి. తాజాగా ఆ అవ‌కాశం కాజ‌ల్‌ను వ‌రించింద‌ని త‌మిళ సినీ వ‌ర్గాలు పేర్కొంటున్నాయి. ఈ వార్త‌లో ఎంత నిజ‌ముందో త్వ‌ర‌లోనే తెలుస్తుంది.