సూప‌ర్ స్టార్ మ‌హేష్ బ్ర‌హ్మోత్సవం ప్లాప్ త‌ర్వాత ఎ.ఆర్‌.మురుగ‌దాస్ ద‌ర్శ‌క‌త్వంలో సినిమా చేస్తున్నాడు. ర‌కుల్ ప్రీత్ హీరోయిన్ గా న‌టిస్తున్న ఈ చిత్రం ప్ర‌స్తుతం చిత్రీక‌ర‌ణ ద‌శ‌లో ఉంది. ఈ సినిమా త‌ర్వాత మ‌హేష్, త‌న‌కు శ్రీమంతుడు వంటి బ్లాక్ బ‌స్ట‌ర్ చిత్రానిచ్చిన కొర‌టాల శివ ద‌ర్శ‌క‌త్వంలో సినిమా చేస్తున్నాడు. డి.వి.వి.దాన‌య్య నిర్మిస్తున్న ఈ చిత్రానికి సంబంధించిన ప‌నులు మెల్ల మెల్ల‌గా కొన‌సాగుతున్నాయి.

శ్రీమంతుడు చిత్రంతో మ‌హేష్ ఇమేజ్ ను డ‌బుల్ చేసిన కొర‌టాల ఈసారి మ‌రో ల‌వ్ యువ‌ర్ సెల్ఫ్ అనే మెసేజ్ తో కొత్త క‌థ‌ను రూపొందిస్తున్నాడ‌ని అంద‌రూ అనుకుంటున్నారు. గ్రామాల‌ను ద‌త్త‌త తీసుకోవాల‌ని చెప్పిన శ్రీమంతుడు మహేష్ తో కొర‌టాల చేయ‌నున్న ఈ చిత్రం ఎలా ఉండ‌బోతుందోన‌ని అంద‌రూ ఆస‌క్తిగా ఎదురుచూస్తున్నారు. కొర‌టాల శివ రీసెంట్ మూవీ జ‌న‌తాగ్యారేజ్ టాక్ కు భిన్నంగా క‌లెక్ష‌న్స్ ను రాబట్టుకుని విజ‌య‌వంతంగా ముందుకు సాగుతుంది.