బ్రహ్మోత్సవం సాంగ్ కి అంతైందా...?
- IndiaGlitz, [Wednesday,September 30 2015]
సూపర్ స్టార్ మ‌హేష్ న‌టిస్తున్న తాజా చిత్రం బ్రహ్మోత్సవం. ఈ చిత్రాన్ని శ్రీకాంత్ అడ్డాల తెర‌కెక్కిస్తున్నారు. పి.వి.పి సంస్థ తెలుగు, త‌మిళ భాష‌ల్లో ఈ చిత్రాన్ని ప్ర‌తిష్టాత్మ‌కంగా నిర్మిస్తుంది. సినిమాలో సంగీత్ సంద‌ర్భంగా వ‌చ్చే పాట‌ను రామోజీ ఫిలింసిటీలో చిత్రీక‌రించారు. ఈ పాట‌లో మ‌హేష్ తోపాటు ప్ర‌ణీత, స‌త్య‌రాజ్, రేవ‌తి, రావు ర‌మేష్‌, జ‌య‌సుధ, న‌రేష్‌, ర‌జిత, ఈశ్వ‌రీరావ్, క్రిష్ణ భ‌గ‌వాన్, షాయాజీ షిండే, త‌నికెళ్ళ భ‌ర‌ణి, చాంద‌ని చౌద‌రి త‌దిత‌రులు పాల్గొన్నారు.
ఈ పాట‌ను డాన్స్ మాస్ట‌ర్ రాజు సుంద‌రం ఆధ్వ‌ర్యంలో చిత్రీక‌రించారు. దాదాపు 500 మంది జూనియ‌ర్ ఆర్టిస్ట్ లు పాల్గొన్న ఈ పాట తీయ‌డానికి అయిన ఖ‌ర్చు అక్ష‌రాల మూడు కోట్ల యాభై ల‌క్ష‌ల‌ట. అక్టోబ‌ర్ 5 నుంచి తాజా షెడ్యూల్ రామెజీ ఫిలింసిటీలో ప్రారంభించ‌నున్నారు. ఈ షెడ్యూల్ లో కాజ‌ల్ పాల్గొంటుంద‌ని స‌మాచారం.