ప‌వ‌ర్‌స్టార్ ప‌వ‌న్‌క‌ల్యాణ్ టైటిల్ పాత్ర‌లో శ్రీరామ్ వేణు ద‌ర్శ‌కుడిగా రూపొందుతోన్న చిత్రం ‘వ‌కీల్ సాబ్‌’. బోనీకపూర్ సమర్పణలో బే వ్యూ ప్రాజెక్ట్స్, శ్రీ వెంకటేశ్వర క్రియేషన్స్ పతాకాలపై దిల్రాజు, శిరీష్ ఈ చిత్రాన్ని నిర్మిస్తున్నారు. ప్ర‌స్తుతం సినిమా 80 శాతం చిత్రీకరణను పూర్తి చేసుకుంది. ఈ సినిమాలో ప‌వ‌న్ స‌ర‌స‌న ప్లాష్ బ్యాక్ ఎపిసోడ్‌లో ఓ హీరోయిన్‌ను తీసుకోవాల‌ని చిత్ర యూనిట్ భావించింది. ముఖ్యంగా శృతిహాస‌న్ పేరు ప‌రిశీల‌న‌లో ఉన్న‌ట్లు వార్త‌లు వినిపించాయి. కానీ తాను పవన్తో నటించడం లేదనే విషయాన్నిశృతి తేల్చేసింది. దీంతో మేక‌ర్స్ జ‌గ‌న‌సుంద‌రి ఇలియానాను న‌టింప చేయ‌డానికి ప్ర‌య‌త్నాలు చేస్తున్నార‌ని సినీ వ‌ర్గాల స‌మాచారం. గ‌తంలో ప‌వ‌న్‌క‌ల్యాణ్‌తో ఇలియానా జ‌ల్సా సినిమాలో న‌టించిన సంగ‌తి తెలిసిందే.

ఇక ‘వ‌కీల్‌సాబ్’ సినిమా విడుద‌ల విష‌యానికి వ‌స్తే.. సినిమాను ముందుగా మే 15న విడుదల చేయాలని అనుకున్నారు. కానీ కరోనా వైరస్ ప్రభావం సినిమాపై బాగానే పడుతుంది. లాక్‌డౌన్ ఎత్తేసిన త‌ర్వాత పెండింగ్ సినిమాను పూర్తి చేసి త‌ర్వాత సినిమా విడుద‌ల గురించి ఆలోచిస్తార‌ట‌. అయితే ఇండ‌స్ట్రీ వ‌ర్గాల మేర‌కు వ‌కీల్ సాబ్ ఆగ‌స్ట్ లేదా ద‌స‌రాకు సంద‌డి చేసే అవ‌కాశాలున్నాయ‌ని స‌మాచారం.