விஷ்ணுவின் அடுத்த படத்தில் ஹன்சிகா நாயகியா?
- IndiaGlitz, [Saturday,December 17 2016]
'வேலைன்னு வந்துட்டா வெள்ளைக்காரன்' வெற்றிக்கு பின்னர் விஷ்ணு விஷாலின் அடுத்த தயாரிப்பான 'கதாநாயகன்' திரைப்படத்தின் படப்பிடிப்பு முடிந்து ரிலீசுக்கு தயாராகி வருகிறது. இந்நிலையில் 'கதாநாயகன்' இயக்குனர் முருகானந்தம் இயக்கும் அடுத்த படத்திலும் விஷ்ணு நடித்து தயாரிக்கவுள்ளார் என்று வெளிவந்த செய்தியை சமீபத்தில் பார்த்தோம்.
இந்த படத்தை சிவாஜி குடும்பத்து வாரீசான துஷ்யந்த் ராம்குமார் தயாரிக்கவுள்ளார். இந்நிலையில் இந்த படத்தில் விஷ்ணுவுக்கு ஜோடியாக நடிக்க பிரபல நடிகை ஹன்சிகாவிடம் படக்குழுவினர்கள் பேச்சுவார்த்தை நடத்தி வருவதாகவும், இதுகுறித்த முறையான அறிவிப்பு மிகவிரைவில் வெளியாகும் என்றும் செய்திகள் வெளிவந்துள்ளது.
மேலும் 'முண்டாசுப்பட்டி' இயக்குனர் ராம் இயக்கத்திலும் விஷ்ணு ஒரு படம் நடிக்கவுள்ளார் என்பதும் இந்த படம் ஒரு த்ரில்லர் படமாக உருவாகவுள்ளது என்பதும் குறிப்பிடத்தக்கது.