నంద‌మూరి క‌ల్యాణ్ రామ్ హీరోగా స‌తీశ్ వేగేశ్న కాంబినేష‌న్‌లో రూపొందుతోన్న చిత్రం `ఎంత మంచి వాడ‌వురా`. ఈ సినిమా సంక్రాంతికి విడుద‌ల కానుంది. ప్ర‌స్తుతం సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటుంది. ఈ సినిమా క‌థ విష‌యంలో ఓ వార్తొక‌టి ఫిలింన‌గ‌ర్ వ‌ర్గాల్లో హ‌ల్‌చ‌ల్ చేస్తుంది.

వివ‌రాల ప్రకారం `ఆక్సిజ‌న్‌` అనే గుజ‌రాతీ చిత్రాన్ని ఆధారంగా చేసుకుని ఈ సినిమాను తెర‌కెక్కిస్తున్నార‌ని టాక్‌. హీరో త‌ల్లి నాట‌కాలు వేస్తుండ‌గా హీరో స్టేజ్‌పై పుడ‌తాడు. త‌ర్వాత‌క కొన్ని సిచ్యువేష‌న్స్ ఆధారంగా హీరో జీవితం అంటే ఓ నాట‌కంగా భావిస్తాడ‌ట‌. దాంతో త‌న చుట్టూ ఉన్న‌వారికి ఏదో ర‌కంగా సాయం చేస్తుఉంటాడ‌ట‌. ఈ క్ర‌మంలో హీరోకి ఎలా ప‌రిస్థితుల‌ను ఎదుర్కొన్నాడ‌నే కాన్సెప్ట్‌తో రూపొందిన చిత్ర‌మే `ఆక్సిజ‌న్‌`. దీన్ని బేస్ చేసుకునే తెలుగు నెటివిటీకి త‌గిన విధంగా `ఎంత మంచి వాడ‌వురా` సినిమాను చిత్రీక‌రించార‌ట‌.

`118`తో సూపర్ డూపర్ హిట్ సాధించిన నంద‌మూరి క‌ల్యాణ్ రామ్ హీరోగా రూపొందుతోన్న చిత్రం `ఎంత మంచివాడ‌వురా`. మెహరీన్ కథానాయిక .శ్రీదేవి మూవీస్ అధినేత శివలెంక కృష్ణ ప్రసాద్ సమర్పణలో ఆదిత్య మ్యూజిక్ ఇండియా (ప్రైవేట్‌) లిమిటెడ్‌ నిర్మిస్తున్న చిత్ర‌మిది. ఉమేష్ గుప్త, సుభాష్ గుప్త‌ నిర్మాత‌లు.