PETA அமைப்பின் பிராண்ட் அம்பாசிடரா தனுஷ்?
- IndiaGlitz, [Sunday,January 17 2016]
தமிழர்களின் பாரம்பரிய விளையாட்டான ஜல்லிக்கட்டுக்கு சுப்ரீம்கோர்ட் இடைக்கால தடை விதித்துள்ளது என்பது அனைவரும் அறிந்ததே. இந்த தடையால்ஜல்லிக்கட்டு ஆதரவாளர்கள் கடும் அதிருப்தியில் உள்ளனர்.
இந்நிலையில் இந்த தடைக்கு PETA என்ற அமைப்புதான் காரணம் என ஜல்லிக்கட்டு ஆதரவாளர்கள் கருதி வரும் நிலையில் இந்த அமைப்புக்கு ஆதரவுகொடுக்கும் மற்றும் இந்த அமைப்பில் உறுப்பினர்களாக இருக்கும் நடிகர், நடிகைகளுக்கு ஜல்லிக்கட்டு ஆதரவு அமைப்பு கடும் கண்டனம் தெரிவித்துவருகிறது.
இந்த வகையில் நடிகர் தனுஷ் இந்த அமைப்பின் உறுப்பினராக இருப்பதாகவும், அவர் உடனடியாக இந்த அமைப்பில் இருந்து விலகவேண்டும் என்றும்கோரிக்கைகள் எழுந்தது. இதுகுறித்து தனுஷ் தற்போது விளக்கம் அளித்துள்ளார். தான் PETA அமைப்பில் உறுப்பினராகவோ, பிராண்ட் அம்பாசிடராகவோஇல்லை என்றும், தான் சைவ உணவிற்கு மாறியதால் அந்த அமைப்பு தனக்கு விருது வழங்கியதாகவும், இதைத்தவிர அந்த அமைப்பிற்கும் தனக்கும் வேறு எந்த சம்பந்தமும் இல்லை என்றும் கூறியுள்ளார்.