'தி பாஸ்ட் அண்ட் பியூரியஸ் 7' படத்தை மிஸ் செய்தாரா தீபிகா படுகோன்: அவரே கூறிய காரணம்..!
- IndiaGlitz, [Sunday,September 22 2024]
உலகம் முழுவதும் ரசிகர்களின் மனதில் நீங்காத இடம் பிடித்த ஹாலிவுட் திரைப்பட தொடர் தி பாஸ்ட் அண்ட் பியூரியஸ். 2001-ஆம் ஆண்டு முதல் பாகம் வெளியான நிலையில் இதன் அடுத்தடுத்த பாகங்கள் வெளியாகி பரவலான வரவேற்பை பெற்றன.
இந்த நிலையில், தி பாஸ்ட் அண்ட் பியூரியஸ் 7 திரைப்படத்தில் நடிக்க பாலிவுட்டின் முன்னணி நடிகை தீபிகா படுகோனுக்கு அழைப்பு வந்தது. ஆனால், அவரால் அந்த படத்தில் நடிக்க முடியவில்லை. தி பாஸ்ட் அண்ட் பியூரியஸ் 7 திரைப்படத்தில் பால் வாக்கர், கோடி வாக்கர், நதாலி இம்மானுவேல், ஜேசன் ஸ்டாதம், வின் டீசல் உள்ளிட்டோர் முக்கிய கேரக்டர்களில் நடித்த நிலையில் இதில் நதாலி இம்மானுவேல் நடித்த ராம்சே என்ற கேரக்டரில் முதலில் தீபிகா படுகோனுக்கு வழங்கப்பட்டதாக கூறப்படுகிறது.
எனினும், அப்போது தீபிகா, சஞ்சய் லீலா பன்சாலி இயக்கிய கோலியோன் கி ராஸ்லீலா ராம்-லீலா படத்தில் பிஸியாக இருந்ததால், அந்த வாய்ப்பை ஏற்க முடியாமல் போனதாக தெரிகிறது.
சமீபத்தில், தி பாஸ்ட் அண்ட் பியூரியஸ் தொடரில் நடிக்காததற்கான காரணம் குறித்து கேட்டபோது, தீபிகா பதிலளித்தார்: அதற்கு நான் வருந்தவில்லை. ஏற்கனவே ஒப்பந்தமான படத்தை முதலில் முடிக்க வேண்டியது அவசியமாக இருந்தது. அந்த படத்தில் சில முக்கிய காட்சிகளில் நான் பணியாற்ற வேண்டியிருந்தது. அதை பாதியில் விட்டுவிட்டு செல்ல முடியாது, என்றார்.