టాలీవుడ్ మోస్ట్ ప్రెస్టీజియ‌స్ మూవీగా రూపొందుతోన్న చిత్రం ‘రౌద్రం రణం రుధిరం’ (ఆర్ఆర్ఆర్‌). టాలీవుడ్ టాప్ స్టార్స్ యంగ్ టైగర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ హీరోలుగా న‌టిస్తున్నారు. బాహుబ‌లి త‌ర్వాత రాజ‌మౌళి తెర‌కెక్కిస్తోన్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి. ఈ సినిమా గురించి ఆస‌క్తిక‌ర‌మైన విష‌య‌మొక‌టి నెట్టింట్లో హ‌ల్ చ‌ల్ చేస్తుంది. అదేంటంటే.. ఈ సినిమాను ముందుగా మెగాస్టార్ చిరంజీవి నిర్మించాల‌ని అనుకున్నాడ‌ట‌. ఈ విష‌యంపై రాజ‌మౌళితో చిరంజీవి చ‌ర్చించాడ‌ట‌. కానీ అప్ప‌టికే డి.వి.వి.దాన‌య్య‌తో రాజ‌మౌళి క‌మిట్ అయ్యుండ‌టంతో సున్నితంగా తిర‌స్క‌రించాడ‌ట‌. అలాగే బాహుబ‌లి నిర్మాత‌లు కూడా దాన‌య్య భారీ ఆఫ‌ర్ ఇచ్చి సినిమాను త‌మ‌కు ఇచ్చేయ‌మ‌ని అన్నార‌ట‌. కానీ దాన‌య్య అందుకు ఒప్పుకోలేద‌ట‌. ఆయ‌న నిర్మించ‌డానికి సిద్ధ‌మ‌య్యారు.

పాన్ ఇండియా స్టార్స్‌తో పాటు హాలీవుడ్ స్టార్స్‌తో రూపొందుతోన్న చిత్ర‌మిది. ఇందులో మ‌న్యం వీరుడు అల్లూరి సీతారామ‌రాజు పాత్ర‌లో మెగాప‌వ‌ర్‌స్టార్ రామ్‌చ‌ర‌ణ్.. గోండు వీరుడు కొమురంభీమ్ పాత్రలో యంగ్ టైగ‌ర్ ఎన్టీఆర్ నటిస్తోన్న సంగ‌తి తెలిసిందే. రెండు నిజమైన చారిత్ర‌క పాత్రల క‌ల్పిత‌గాథే ఈ చిత్రం. రూ.400 కోట్ల‌తో డి.వి.వి.దానయ్య నిర్మిస్తోన్న ఈ చిత్రంలో ఎన్టీఆర్ జోడీగా బ్రిటీష్ భామ ఒలివియా మోరిస్ న‌టిస్తుండ‌గా రామ్‌చ‌ర‌ణ్ జోడీగా బాలీవుడ్ బ్యూటీ ఆలియా భ‌ట్ న‌టిస్తోంది.