తెలుగులో స్టైలిష్ స్టార్ అల్లుఅర్జున్ అలియాస్ బ‌న్ని మెగా క్యాంప్ హీరో అయినా త‌న‌దైన క‌ష్టంతో ఓ క్రెడిబిలిటీ, ఇమేజ్ సంపాదించుకున్నాడు. అందుకు నిద‌ర్శనం స‌రైనోడు. మిక్స్‌డ్ టాక్ తో స్టార్ అయిన ఈ సినిమా వంద‌కోట్ల‌కు పైగా క‌లెక్ష‌న్స్ సాధించి బాక్సాఫీస్ వ‌ద్ద బ‌న్ని రేసుగుర్రం అని ప్రూవ్ చేసింది. రేసుగుర్రం, స‌న్నాఫ్ స‌త్య‌మూర్తి చిత్రాలు త‌ర్వాత బ‌న్నికి హ్యాట్రిక్ హిట్ మూవీగా నిలిచింది. స‌రే ఇదంతా ఏంట‌నుకుంటున్నారా..? బాక్సాఫీస్ వ‌ద్ద ఇంత రేంజ్ ఉన్న బ‌న్ని స్టార్ హీరో కాద‌ని ఓ హీరోయిన్ చెప్పేసింది.

అది మ‌రేవ‌రో కాదు..బ‌న్నితో స‌న్నాఫ్ స‌త్యమూర్తి చిత్రంలోనటించిన నిత్యామీన‌న్‌. ఇప్పుడు నిత్యామీన‌న్, ఎన్టీఆర్ జ‌న‌తాగ్యారేజ్‌లో న‌టించింది. ఈ సినిమా ఆడియో వేడుక‌లో పాల్గొన్నఆమె నేను చేస్తున్న ఫ‌స్ట్ స్టార్ హీరో మూవీ ఇదే అని చెప్పింది. అంటే నిత్యామీన‌న్ దృష్టిలో బ‌న్ని స్టార్ హీరో కాద‌నేగా అర్థం. గ‌తంలో కూడా ప్ర‌భాస్‌ను సంభోధిస్తూ ఎవ‌రు ప్ర‌భాస్ అన‌డం అంద‌రినీ ఆశ్చ‌ర్యానికి గురిచేసింది. ఇప్పుడు బ‌న్నిని స్టార్ హీరో కాద‌నేసింది. నిజానికి బ‌న్ని రేసుగుర్రం, స‌న్నాఫ్ స‌త్య‌మూర్తి, స‌రైనోడు చిత్రాలు బాక్సాఫీస్ వద్ద 50 కోట్ల‌ను క‌లెక్ట్ చేశాయి. కానీ ఎన్టీఆర్‌కు ఆ క్రెడిట్ సాధించి పెట్టిన చిత్రం నాన్న‌కు ప్రేమ‌తో ..మాత్ర‌మే. మ‌రి ఎన్టీఆర్‌తో పోల్చితే బ‌న్ని ఎందుకు స్టార్ హీరో కాదో నిత్యాకే తెలియాలి.