'பிகில்' டீசர் இணையத்தில் லீக் ஆகிவிட்டதா? பெரும் பரபரப்பு
- IndiaGlitz, [Monday,September 30 2019]
விஜய் நடித்த 'பிகில்' திரைப்படம் வரும் தீபாவளி அன்று திரைக்கு வரவுள்ள நிலையில் இந்த படத்தின் பாடல்கள் சமீபத்தில் வெளியாகி பெரும் வரவேற்பை பெற்றது. இந்த நிலையில் இந்த படத்தின் டீஸர் அக்டோபர் முதல் வாரத்தில் வெளியாகலாம் என்ற எதிர்பார்ப்பு ஏற்பட்டுள்ளது. இந்த டீசரை வரவேற்க விஜய் ரசிகர்கள் உட்பட சினிமா ரசிகர்கள் அனைவரும் தயாராக உள்ளனர்
இந்த நிலையில் 'பிகில்' படத்தின் டீஸர் இணையத்தில் கசிந்து விட்டதாக நெட்டிசன்கள் டுவீட்டுக்களை பதிவு செய்ததால் பெரும் பரபரப்பு ஏற்பட்டுள்ளது. ஒரு டுவிட்டர் பயனாளி 'பிகில்' படத்தின் டீசரை இணையத்தில் பார்த்து விட்டதாகவும் டீசர் வெறித்தனமாக இருப்பதாகவும் அதிகாரபூர்வ டீசருக்காக வெயிட்டிங் என்றும் டுவீட் ஒன்றை பதிவு செய்துள்ளார்
இந்த டுவீட்டால் படக்குழுவினர் அதிர்ச்சியடைந்துள்ளனர். 'பிகில்' டீசர் உண்மையிலேயே கசிந்துவிட்டதா? அல்லது இது ஒரு வதந்தியா? என்பது தெரியவில்லை. இருப்பினும் இது குறித்து படக்குழுவினர் விசாரணை நடத்தி வருகின்றனர். இந்த நிலையில் அக்டோபர் 1 அல்லது 2 ஆம் தேதி 'பிகில்' படத்தின் டீசர் அதிகாரப்பூர்வமாக வெளிவரும் என்று கூறப்படுகிறது