అనుష్క ‘నిశ్శబ్దం’ కాపీనా లేక స్ఫూర్తా?
- IndiaGlitz, [Wednesday,March 18 2020]
టాలీవుడ్ జేజెమ్మ అనుష్క శెట్టి దాదాపు రెండేళ్ల త‌ర్వాత 'నిశ్శబ్దం' చిత్రంతో ప్రేక్ష‌కుల ముందుకు రానుంది. హేమంత్ మ‌ధుక‌ర్ ద‌ర్శ‌క‌త్వంలో పీపుల్ మీడియా ఫ్యాక్ట‌రీ, కోన ఫిలిం కార్పొరేష‌న్ ప‌తాకాల‌పై టీజీవిశ్వ‌ప్ర‌సాద్‌, కోన‌వెంక‌ట్ ఈ చిత్రాన్ని నిర్మిస్తున్నారు. ఏప్రిల్ 2న విడుద‌ల చేయాల‌ని అనుకున్నారు కానీ.. క‌రోనా వైర‌స్‌ ప్ర‌భావంతో సినిమా విడుద‌ల‌పై అనుమానాలు నెల‌కొన్నాయి. ఈ నేప‌థ్యంలో ఈ సినిమాపై వార్తొక‌టి సోష‌ల్ మీడియాలో హ‌ల్ చ‌ల్ చేస్తుంది. అమెరిక‌న్ మూవీ ‘హ‌ష్‌’ నుండి స్ఫూర్తిగా తీసుకుని నిశ్శబ్దం చిత్రాన్ని తెరకెక్కించారని అంటున్నారు. దీనిపై చిత్ర యూనిట్ ఎలాంటి ప్ర‌క‌ట‌నా చేయ‌లేదు. మ‌రి విడుద‌లైతే కానీ అస‌లు విషయం తెలియ‌దు.
ఈ చిత్రంలో అనుష్క పాత్ర మూగ, చెవిటి అమ్మాయిగా క‌నిపించ‌నుంది. పాత్ర‌లో ఒదిగిపోవ‌డం కోసం అనుష్క మాట‌లు రాకుండా చేత‌ల ద్వారా త‌మ అభిప్రాయాన్ని తెలియ‌జేసే సంజ్ఞ‌ల విద్య‌ను మూడు నెల‌ల పాటు శిక్ష‌ణ తీసుకుని నేర్చుకుంట అనుష్క. అలాగే అనుష్క పాత్ర క‌థ ప్ర‌కారం డ్రాయింగ్ ఆర్టిస్ట్‌. అనుష్క వేసిన పెయింటింగ్స్ కోసం ఏదో మేనేజ్ చేసేద్దామ‌ని ద‌ర్శ‌క నిర్మాత‌లు చెప్పిన విన‌కుండా పెయింటింగ్ నేర్చుకుంద‌ట. అనుష్క‌తో పాటు మాధ‌వ‌న్, మైకేల్ మ్యాడ్‌స‌న్, అంజ‌లి, షాలిని పాండే త‌దిత‌రులు న‌టిస్తున్నారు. ఈ చిత్రాన్ని తెలుగు, త‌మిళ, మ‌ల‌యాళ, క‌న్న‌డ, హిందీ, ఇంగ్లీష్ భాష‌ల్లో విడుద‌ల చేయ‌బోతున్నారు.