అయితే బ్లాక్‌బ‌స్ట‌ర్ లేదంటే ఫ్లాప్.. ఇలా ఉంటుంది న‌ట‌సింహం బాల‌కృష్ణ సినిమాల ప‌రిస్థితి. ఈ మ‌ధ్య కాలంలో బాల‌య్య సినిమాల‌ను ప‌రిశీలిస్తే.. ఓ విష‌యం స్ప‌ష్టంగా అర్థ‌మ‌వుతుంది. అత‌నితో తొలిసారిగా ప‌నిచేసే యువ సంగీత ద‌ర్శ‌కులు బాగానే ప్ల‌స్ అవుతార‌ని. సింహా విష‌యం తీసుకుంటే.. బాల‌య్య కాంబినేష‌న్‌లో చ‌క్రి చేసిన తొలి చిత్రం అది. పాట‌లు హిట్‌.. సినిమా బ్లాక్‌బ‌స్ట‌ర్‌.

ఇక లెజెండ్ సంగ‌తి తీసుకుంటే.. ఈ నంద‌మూరి అంద‌గాడితో మ‌రో యువ సంగీత ద‌ర్శ‌కుడు దేవిశ్రీ ప్ర‌సాద్ చేసిన మొద‌టి సినిమా ఇది. ఆడియో, సినిమా రెండూ హిట్టే. ఇక ఈ వ‌రుస‌లోనే బాల‌య్య తాజా చిత్రం పైసా వ‌సూల్‌కి సంగీత‌మందిస్తున్న మ‌రో యువ సంగీత ద‌ర్శ‌కుడు అనూప్ రూబెన్స్ కూడా చేరుతాడా లేదా అనేది ఆస‌క్తిక‌రంగా మారింది. ఈ చిత్రం సెప్టెంబ‌ర్ 1న విడుద‌ల కానుంది. పూరీ జ‌గ‌న్నాథ్ ద‌ర్శ‌క‌త్వం వ‌హించిన ఈ చిత్రంలో శ్రియ హీరోయిన్‌.