சூப்பர் ஸ்டார் ரஜினிகாந்த் நடித்த ‘அண்ணாத்த’ திரைப்படம் தீபாவளி அன்று வெளியான நிலையில் இந்த படம் தளபதி விஜய்யின் ’சர்க்கார்’ படத்தின் முதல் நாள் வசூலை முறியடித்து விட்டதாக தகவல்கள் வெளியாகியுள்ளன.

‘அண்ணாத்த’ திரைப்படத்தின் முதல் நாள் வசூல் குறித்து சமூக வலைதளங்களில் செய்திகள் வெளியாகிக் கொண்டிருக்கின்றன. இந்த படம் முதல்நாளில் ரூபாய் 34 கோடி ரூபாய் வசூல் செய்ததாகவும் எனவே முதல் நாளில் 32 கோடி ரூபாய் வசூல் செய்த சர்க்கார் படத்தின் சாதனையை ‘அண்ணாத்த’ படம் முறியடித்து விட்டதாகவும் கூறப்படுகிறது. இது குறித்த செய்தியை படக்குழுவினரும் சமூகவலைதளத்தில் லைக் செய்து உள்ள நிலையில் இந்த செய்தியை அவர்கள் உறுதி செய்வதாகவே கருதப்படுகிறது.

இருப்பினும் ஒரு சிலர் ‘அண்ணாத்த’ திரைப்படம் 25 கோடி தான் முதல் நாள் வசூல் ஆனது என்றும் கூறப்பட்டு வருகிறது என்பது குறிப்பிடத்தக்கது. முதல் நாள் வசூல் எவ்வளவு என்பது உண்மையாகவே தயாரிப்பு தரப்புக்கு மட்டுமே தெரியும் என்பதால் தயாரிப்பு தரப்பு இதுகுறித்து அதிகாரப்பூர்வ அறிவிப்பை வெளியிடுமா? என்பதை பொறுத்திருந்து பார்ப்போம்.

இந்த நிலையில் ‘அண்ணாத்த’ திரைப்படம் இரண்டாவது நாளிலும் நல்ல வசூல் செய்துள்ளதாகவும் மூன்றாவது நாளாக இன்றும் திரையரங்குகளில் ரசிகர்கள் அரங்கு நிறைந்து காணப்படுவதாகவும் கூறப்பட்டு வருகிறது . மிக விரைவில் அதாவது நாளை அல்லது நாளை மறுநாள் இந்த படம் 100 கோடி வசூலை எட்டும் என்று சமூக வலைத்தள டிராக்கர்கள் கூறி வருகின்றனர்.