தனுஷ் நடிப்பில் பாலாஜி மோகன் இயக்கவுள்ள 'மாரி 2' படத்தின் ஆரம்பகட்ட பணிகள் கடந்த சில நாட்களுக்கு முன்னர் தொடங்கியது. இந்த படத்தின் வில்லன் மலையாள நடிகர் டோவினோ தாமஸ் என்றும், இந்த படத்தின் நாயகி சாய்பல்லவி என்றும், இந்த படத்தின் இன்னொரு நாயகனாக கிருஷ்ணா என்பதும் முடிவாகியுள்ளது

இந்த நிலையில் இந்த படத்தின் தொழில்நுட்ப கலைஞர்கள் குறித்த விபரங்கள் அடுத்த வாரம் அல்லது தீபாவளி கழித்து அறிவிக்கப்படவுள்ளதாக தெரிகிறது. ரசிகர்களின் மிகப்பெரிய எதிர்பார்ப்பு இந்த படத்தின் இசையமைப்பாளர் யார் என்பதை தெரிந்து கொள்வதில்தான் உள்ளது என்பது சமூக வலைத்தளங்களில் பதிவு செய்யப்படும் கருத்துக்களில் இருந்து தெரியவருகிறது. மேலும் முதல் பாகத்தின் வெற்றிக்கு பெரும் பங்கு கொண்ட அனிருத் இல்லாத 'மாரி 2' படத்தை நினைத்து கூட பார்க்க முடியவில்லை என்று பலர் டுவீட் செய்து வருகின்றனர்.

இந்த நிலையில் 'மாரி 2' படத்தின் இசையமைக்க ஒருசில தனிப்பட்ட காரணங்களால் அனிருத் மறுத்துவிட்டதாகவும், இந்த படத்திற்கு யுவன்ஷங்கர் ராஜா இசையமைக்க அதிக வாய்ப்பு இருப்பதாகவும் கூறப்படுகிறது. எனினும் இதுகுறித்து அதிகாரபூர்வ அறிவிப்பு வந்தால் மட்டுமே இந்த தகவல் உறுதி செய்யப்படும்

தனுஷின் முந்தைய படங்களான 'விஐபி 2' மற்றும் 'பவர்பாண்டி' திரைப்படங்களுக்கு இசையமைத்த சீன்ரோல்டானின் பாடல்கள் பெரிய அளவில் ஹிட் ஆகாததால் தனுஷ் தற்போது தனது படங்களுக்கு சரியான இசையமைப்பாளரை தேர்வு செய்ய வேண்டிய கட்டாயத்தில் உள்ளார் என்பது குறிப்பிடத்தக்கது.