லேடி சூப்பர் ஸ்டார் நயன்தாரா தென்னிந்திய திரை உலகில் அதிக சம்பளம் வாங்கும் நடிகையாக இருந்து வருகிறார். இவர் ஒரு படத்திற்கு 4 முதல் 5 கோடி ரூபாய் வரை சம்பளம் பெறுவதாக கூறப்படுகிறது. மேலும் ரஜினி, விஜய், சிரஞ்சீவி போன்ற பெரிய ஸ்டார்களுடன் ஒரே நேரத்தில் நடித்து வருகிறார் என்பது குறிப்பிடத்தக்கது. நயன்தாராவை அடுத்து அனுஷ்கா அதிகம் சம்பளம் வாங்கும் நடிகைகளின் பட்டியலில் இருக்கிறார்

இந்த நிலையில் பிரம்மாண்ட இயக்குநர் எஸ்எஸ் ராஜமவுலி இயக்கி வரும் ஆர்.ஆர்.ஆர் என்ற திரைப்படத்தில் ராம்சரண் ஜோடியாக நடிக்க பிரபல பாலிவுட் நடிகை அலியா பட் ஒப்பந்தம் செய்யப்பட்டுள்ளார். இவர் இந்த படத்தில் நடிப்பதற்காக 9 கோடி சம்பளம் பெறுகிறார் என்பது குறிப்பிடத்தக்கது. இதனை அடுத்து நயன்தாராவை விட இருமடங்கு சம்பளம் பெறும் நடிகையாகவும், தென்னிந்திய நடிகைகளில் அதிக சம்பளம் வாங்கும் நடிகையாகவும் உள்ளார் என்பது குறிப்பிடத்தக்கது

ராம் சரண் ஜோடியாக அலியாபட் நடிக்கும் இந்த படம் தமிழ், தெலுங்கு, இந்தி உள்பட 10 இந்திய மொழிகளில் உருவாகி வருகிறது மேலும் இந்த படத்தில் சீதா என்ற கேரக்டரில் அலியாபட் நடித்து வருவதாகவும் இந்த கேரக்டர் வலிமையுள்ளதாக இருக்கும் என்றும், இந்த கேரக்டரை மையப்படுத்தியே படத்தின் கதை அமைந்துள்ளதாகவும் படக்குழுவினர் தெரிவித்துள்ளனர்