அமீர்கானின் 'டங்கல்' ரீமேக்கில் அஜித். பிரபல நடிகை கருத்து
- IndiaGlitz, [Wednesday,December 28 2016]
கடந்த வாரம் வெளியான அமீர்கானின் 'டங்கல்' திரைப்படம் தமிழகம், இந்தியா மட்டுமின்றி உலக அளவில் ஹிட்டாகியுள்ளது. மல்யுத்த போட்டியில் தன்னால் வாங்க முடியாத பதக்கத்தை தனது மகள்கள் வாங்க அமீர்கான் கேரக்டர் படும் கஷ்டங்கள், சோதனை ஆகியவை அந்த கேரக்டரை நம் கண்முன் நிறுத்தியது.
இந்நிலையில் இந்த படம் தமிழில் ரீமேக் செய்தால், அமீர்கான் கேரக்டரில் நடிக்க பொருத்தமானவர் யார்? என்று பிரபல நடிகை நீதுசந்திராவிடம் ரசிகர் ஒருவர் சமூக வலைத்தளத்தில் கேள்வி கேட்டிருந்தார்.
அதற்கு பதில் கூறிய நீதுசந்திரா, 'டங்கல்' ரீமேக்கில் நடிக்க கண்டிப்பாக அஜித்தான் தகுதியானவர். இது ஒரு ஸ்போர்ட்ஸ் படம் என்பதால் ஸ்போர்ட்ஸ் வீரரான அஜித் இந்த படத்தில் நடித்தால் பொருத்தமாக இருக்கும்' என்று கூறினார். நீதுசந்திராவின் ஆசை நிறைவேறுமா? என்பதை பொறுத்திருந்து பார்ப்போம்.