பாலிவுட் நடிகையும் நடிகர் அபிஷேக்பச்சனின் மனைவியும் முன்னாள் உலக அழகியுமான ஐஸ்வர்யா ராய்க்கு ஏற்கனவே ஆராதனா என்ற பெண் குழந்தை இருக்கும் நிலையில் அவர் மீண்டும் கர்ப்பமாகியுள்ளதாக சமூக வலைத்தளங்களில் வதந்தி பரவி வருகிறது.

சமீபத்தில் அபிஷேக்பச்சன் மற்றும் ஐஸ்வர்யாராய், கோவா கடற்கரையில் நடைப்பயிற்சியில் ஈடுபட்டிருந்தபோது எடுக்கப்பட்ட புகைப்படம் வைரலாகி வருகிறது இதில் ஐஸ்வர்யாராய் வயிறு கர்ப்பமடைந்திருப்பது போல் இருப்பதால் இந்த வதந்தியை நெட்டிசன்கள் பரப்பி வருகின்றனர். ஆனால் இது வதந்தி என்றும், ஐஸ்வர்யாராய் கர்ப்பம் என்பதில் உண்மையில்லை என்றும் சில நெட்டிசன்கள் பதிவு செய்து வருகின்றனர்.

சமீபத்தில் முகேஷ் அம்பானியின் மகன் திருமணத்தில் அபிஷேக்பச்சன் - ஐஸ்வர்யாராய் ஜோடி கலந்து கொண்டபோது இதுபோன்ற வதந்திகள் எழவில்லை என்பது குறிப்பிடத்தக்கது. இருப்பினும் இந்த வதந்தி குறித்து ஐஸ்வர்யாராய் தரப்பில் எந்தவித மறுப்பும் வரவில்லை என்பது குறிப்பிடத்தக்கது.