மிஸ் இந்தியா அழகியுடன் டேட்டிங் செல்லும் அஜித்-விஜய் பட நடிகர்
- IndiaGlitz, [Monday,April 02 2018]
அஜித் நடித்த 'மங்காத்தா' மற்றும் விஜய் நடித்த 'ஜில்லா' ஆகிய படங்கள் உள்பட ஒருசில படங்களில் நடித்தவர் நடிகர் மகத். இவர் வெங்கட்பிரபுவின் அனைத்து படங்களிலும் இருப்பார் என்பது குறிப்பிடத்தக்கது.
இந்த நிலையில் நடிகர் மகத் மற்றும் 2012ஆம் ஆண்டின் மிஸ் இந்தியா எர்த் அழகி பிரச்சி மிஸ்ராவும் காதலித்து வருவதாக கூறப்படுகிறது. துபாயில் நிகழ்ச்சி ஒன்றில் இருவரும் முதலில் சந்தித்து அறிமுகமானதாகவும், அதன் பின்னர் இருவரும் அடிக்கடி சந்தித்ததால் காதல் ஏற்பட்டதாகவும் கூறப்படுகிறது. மிஸ்ராவை பார்ப்பதற்கு என்றே மகத் படப்பிடிப்பு இல்லாத நேரத்தில் துபாய் சென்று வருவதாகவும், இருவரும் சமீபத்தில் ஆஸ்திரேலியாவில் சுற்றுப்பயணம் செய்ததாகவும் கூறப்படுகிறது. ஆஸ்திரேலிய கடற்கரையில் இருவரும் இணைந்து எடுத்த புகைப்படங்கள் இணையதளத்தில் வைரலாகி வருகிறது என்பதும் குறிப்பிடத்தக்கது.
இந்த நிலையில் மகத் தற்போது தமிழ், தெலுங்கு மொழிகளில் தயாராகி வரும் இரண்டு படங்களில் நடித்து கொண்டிருக்கின்றார் என்பது குறிப்பிடத்தக்கது.