'இருட்டு அறையில் முரட்டு குத்து' ரிலீஸ் தேதி அறிவிப்பு
- IndiaGlitz, [Thursday,April 26 2018]
சமீபத்தில் வெளியான 'ஹர ஹர மகாதேவகி' என்ற வெற்றிப்படத்தை இயக்கிய இயக்குனர் சந்தோஷ் ஜெயகுமார் இயக்கியுள்ள அடுத்த படம் 'இருட்டு அறையில் முரட்டு குத்து'. முதல் படம் போலவே இந்த படமும் அடல்ட் காமெடி படமாக உருவாகியுள்ள இந்த படம் தற்போது ரிலீசுக்கு தயாராகியுள்ளது.
இந்த நிலையில் இந்த படத்தின் ரிலீஸ் தேதி தற்போது அறிவிக்கப்பட்டுள்ளது. இந்த படம் வரும் மே மாதம் 4ஆம் தேதி ரிலீஸ் ஆகவுள்ளதாக அதிகாரபூர்வமாக அறிவிக்கப்பட்டுள்ளது. இந்த தகவலை இயக்குனர் சந்தோஷ் ஜெயகுமார் தனது சமூக வலைத்தளத்தில் உறுதி செய்துள்ளார்.
கவுதம் கார்த்திக், வைபவி, ஷா ரா, யாஷிகா, கருணாகரன், ராஜேந்திரன், பால சரவணன், ஜான்விஜய், மதுமிதா உள்பட பலர் நடித்துள்ள இந்த படத்திற்கு பாலமுரளி பாலு இசையமைத்துள்ளார், பாலு ஒளிப்பதிவில், பிரசன்னா படத்தொகுப்பில் உருவாகியுள்ள இந்த படத்தை ஸ்டுடியோக்ரீன் ஞானவேல்ராஜா தயாரித்துள்ளார்.