'இறுதிச்சுற்று' கதையை திடீரென மாற்றிய இயக்குனர்.
- IndiaGlitz, [Tuesday,March 08 2016]
மாதவன், ரித்திகாசிங் நடிப்பில் சுதா இயக்கத்தில் சமீபத்தில் தமிழ், மற்றும் இந்தியில் வெளியான 'இறுதிச்சுற்று' திரைப்படம் இரண்டு மொழிகளிலும் சூப்பர் ஹிட் வெற்றி பெற்றது. இந்த திரைப்படம் தற்போது தெலுங்கில் ரீமேக் ஆகி வருவது அனைவரும் அறிந்ததே. இந்த படத்தில் மாதவன் கேரக்டரில் வெங்கடேஷ் நடிக்க, தமிழ்-இந்தியில் இயக்கிய சுதாவே இயக்கவுள்ளார்.
இந்நிலையில் இந்த படத்தின் கதை வெங்கடேஷூக்காக சில மாற்றங்கள் செய்யப்பட்டுள்ளதாம். தமிழ், மற்றும் இந்தி 'இறுதிச்சுற்றில்' மாதவன் மனைவி ஓடிப்போயிருப்பதாகவும், அவருக்கு பல பெண்களுக்கு தொடர்பு இருப்பது போன்றும் காண்பிக்கப்பட்டிருக்கும்.
ஆனால் தெலுங்கில் வெங்கடேஷின் மனைவி அவரை உருகி உருகி காதலிக்கும் அன்புக்குரியவராக மாற்றம் செய்யப்படவிருக்கின்றதாம். வெங்கடேஷின் இமேஜை கருதியே இந்த மாற்றம் செய்யப்பட்டிருப்பதாகவும், இதனால் மெயின் கதையில் எவ்வித பாதிப்பும் இருக்காது என்றும் இயக்குனர் தரப்பில் கூறப்படுவதாக செய்திகள் வெளியாகியுள்ளது.