விஷால், சமந்தா நடிப்பில் பி.எஸ்.மித்ரன் இயக்கிய 'இரும்புத்திரை' திரைப்படம் சமீபத்தில் வெளியாகி மிகப்பெரிய வெற்றியை பெற்றது. விஷாலின் படங்களில் அதிகபட்ச ஓப்பனிங் வசூலை பெற்ற படம், விஷால் படங்களில் ரூ.50 கோடிக்கும் மேல் வசூல் செய்த படம் என்ற பெருமையை இந்த படம் பெற்றது என்பதை ஏற்கனவே பார்த்தோம்

இந்த நிலையில் இந்த படத்தின் மொத்த வசூல் குறித்த தகவல் தற்போது கிடைத்துள்ளது. 'இரும்புத்திரை' திரைப்படம் உலக அளவில் இதுவரை ரூ.61 கோடி வசூல் செய்துள்ளது என்பது ஒரு ஆச்சரியமான தகவல் ஆகும். தமிழகத்தில் இந்த படம் ரூ.26.35 கோடி வசூல் செய்துள்ளது. அதில் சென்னையில் மட்டும் ரூ.5.71 கோடி என்பது குறிப்பிடத்தக்கது.

அதேபோல் ஆந்திராவில் ரூ.19.6 கோடியும், கேரளா மற்றும் இந்தியாவின் பிற மாநிலங்களில் ரூ.3.21 கோடியும், வெளிநாடுகளில் ரூ.11.5 கோடியும் இந்த படம் வசூல் செய்துள்ளது. இந்த படம் உலகம் முழுவதும் ரிலீஸ் செய்யும் உரிமை ரூ.17 கோடிக்கு மட்டுமே விற்பனை செய்திருந்த நிலையில் தற்போது இந்த படம் அனைத்து தரப்பினர்களுக்கும் நல்ல லாபத்தை பெற்றுக்கொடுத்த படமாக அமைந்துள்ளது.