விஷாலின் 'இரும்புத்திரை'யில் இணைந்த ஷிபுதமீன்ஸ்
- IndiaGlitz, [Wednesday,November 29 2017]
விஜய் நடித்த 'புலி', விக்ரம் நடித்த 'இருமுகன்' போன்ற படங்களை தயாரித்த தயாரிப்பாளர் ஷிபுதமீன்ஸ் தற்போது விஷால் நடித்து வரும் 'இரும்புத்திரை' படத்தில் இணைந்துள்ளார்.
விஷால் நடித்து வரும் இரும்புத்திரை' படத்தின் படப்பிடிப்பு விறுவிறுப்பாக நடந்து வரும் நிலையில் இந்த படத்தின் வியாபாரமும் விறுவிறுப்பாக தொடங்கிவிட்டது.
இந்த நிலையில் 'இரும்புத்திரை' படத்தின் கேரள ரிலீஸ் உரிமையை தயாரிப்பாளர் ஷிபுதமீன்ஸ் பெற்றுள்ளார். விஷாலின் முந்தைய படங்களான 'துப்பறிவாளன்' மற்றும் 'வில்லன்' ஆகிய படங்கள் கேரளாவில் நல்ல வசூலானதை தொடர்ந்து கேரளாவில் விஷாலின் மார்க்கெட் உயர்ந்துள்ளதாகவும், எனவே 'இரும்புத்திரை' படம் அதிக திரையரங்குகளில் வெளியிட திட்டமிட்டுள்ளதாகவும் ஷிபுதமீன்ஸ் தரப்பில் கூறப்படுகிறது.
வரும் பொங்கல் தினத்தில் வெளியாகவுள்ள இந்த படத்தில் விஷால், அர்ஜூன், சமந்தா, மார்ஷியல் நிபுணர் ஜெர்மி ரோஸ்கி, டெல்லி கணேஷ், ரோபோ சங்கர் உள்ளிட்ட பலர் நடித்துள்ளனர். பி.எஸ்.மித்ரன் இயக்கி வரும் இந்த படத்திற்கு யுவன்சங்கர் ராஜா இசையமைத்து வருகிறார். இந்த படத்திற்கு ஜார்ஜ் வில்லியம்ஸ் ஒளிப்பதிவும் ரூபன் படத்தொகுப்பும் செய்கிறார்கள். இந்த படத்தை விஷால் பிலிம் பேக்டரி நிறுவனம் தயாரித்து வருகிறது.