மூன்றாவது வாரத்திலும் சூப்பர் வசூலை பெற்ற 'இரும்புத்திரை'
- IndiaGlitz, [Monday,May 28 2018]
தற்போதைய திரைப்படங்கள் இரண்டு வாரங்கள் வெற்றிகரமாக ஓடுவதே பெரிய விஷயம் என்ற நிலையில் விஷாலின் 'இரும்புத்திரை' மூன்றாவது வாரத்திலும் சூப்பர் வசூலை பெற்று இந்த ஆண்டின் சூப்பர் ஹிட் படம் என்ற பெருமையை பெற்றுள்ளது.
இந்த படம் கடந்த வாரயிறுதியில் சென்னையில் 13 திரையரங்குகளில் 153 காட்சிகள் திரையிடப்பட்டு ரூ.62,34,204 வசூல் செய்துள்ளது. அதுமட்டுமின்றி மூன்றாவது வாரத்திலும் திரையரங்குகளில் 85% பார்வையாளர்கள் இருந்தனர் என்பது ஆச்சரியமான ஒரு விஷயமாக கருதப்படுகிராது.
மேலும் இந்த படம் கடந்த 11ஆம் தேதி ரிலீஸ் ஆனதில் இருந்து நேற்று வரை ரூ.4,44,06,902 சென்னையில் மட்டும் வசூல் செய்துள்ளது என்பது குறிப்பிடத்தக்கது. இன்னும் ஒருசில நாட்களில் இந்த படம் சென்னையில் ரூ.5 கோடி என்ற இலக்கை எட்டும் என்று எதிர்பார்க்கப்படுகிறது.