விஷால், அர்ஜூன், சமந்தா நடிப்பில் பி.எஸ்.மித்ரன் இயக்கிய 'இரும்புத்திரை' கடந்த 11ஆம் தேதி வெளியாகி மிகப்பெரிய வரவேற்பை பெற்றது என்பதை ஏற்கனவே பார்த்தோம். இந்த படம் வெளியான முதல் வார இறுதி நாட்களிலே நல்ல வசூலை குவித்த நிலையில் இரண்டாவது வாரத்திலும் முதல் வாரம் போலவே கலக்கலான வசூலை கொடுத்துள்ளது.

இந்த படம் கடந்த வாரயிறுதி நாட்களில் சென்னையில் 14 திரையரங்குகளில் 178 காட்சிகள் திரையிடப்பட்டு ரூ.90,18,537 வசூல் செய்துள்ளது. மேலும் இந்த படத்திற்கு 85% பார்வையாளர்கள் திரையரங்குகளில் இருந்ததில் இருந்தே இந்த ஹிட் என்பதை உறுதி செய்துள்ளது.

மேலும் இந்த படம் ரிலீஸ் தினமான மே 11 முதல் மே 20 வரையிலான 10 நாட்களில் சென்னையில் மட்டும் ரூ.3,12,04,226 வசூல் செய்துள்ளது என்பது குறிப்பிடத்தக்கது. விரைவில் இந்த படத்தின் தமிழக வசூல் குறித்த தகவலை பார்ப்போம்