கொரோனா வைரஸ் காரணமாக நாடு முழுவதும் கடந்த ஒரு மாதத்திற்கும் மேலாக ஊரடங்கு உத்தரவு பிறப்பிக்கப்பட்டுள்ளதால் எந்தவித போக்குவரத்தும் இல்லாமல் உள்ளது. இந்த நிலையில் பிரபல நடிகர் ஒருவர் தனது மறைந்த தாயின் இறுதிச்சடங்கை கண்ணீருடன் வெளியூரில் இருந்து வீடியோவில் பார்த்த செய்தி அனைவரையும் சோகமாக்கியுள்ளது.

பிரபல பாலிவுட் நடிகர் இர்பான்கான். இவரது தாயார் சயிதா பேகம் என்பவர் நேற்று உடல்நலக்குறைவால் ஜெய்ப்பூரில் மரணம் அடைந்தார். அவருக்கு வயது 85. இந்த நிலையில் இர்பான்கான் மும்பையில் இருப்பதால் மும்பையில் இருந்து ஜெய்ப்பூர் செல்வதற்கு எந்தவித போக்குவரத்தும் இல்லாத்தால் அவரால் இறுதி சடங்கில் பங்குகொள்ள முடியவில்லை.

தாயின் மரணச்செய்தி தெரிந்தாலும் இர்பான்கானால் அவரது இறுதிச்சடங்கில் நேரடியாக கலந்து கொள்ள முடியவில்லை என்றாலும் தாயின் இறுதிச்சடங்கை தனது மொபைலில் நேரடி வீடியோவாக கண்ணீருடன் பார்த்து கொண்டிருந்தார். தனது தாய்க்கு அவர்தனது இறுதி மரியாதையையும் வீடியோ மூலமாகவே செய்தார்.

நடிகர் இர்பான்கான் ஏற்கனவே நியூரோ எண்டாக்ரின் ட்யூமர் என்ற நோயால் பாதிக்கப்பட்டு வெளிநாட்டில் சிகிச்சை பெற்று வருகிறார் என்பது குறிப்பிடத்தக்கது.