நான்கு வரி வசனத்தை ஒரு நிமிடத்தில் மனப்பாடம் செய்ய வேண்டுமா? விக்ரம் பட நடிகர் வெளியிட்ட காமெடி வீடியோ
- IndiaGlitz, [Tuesday,September 15 2020]
விக்ரம் நடித்துவரும் ’கோப்ரா’ திரைப்படத்தில் நடித்து வரும் நடிகர் ஒருவர் நான்கு வரி வசனத்தை ஒரே நிமிடத்தில் மனப்பாடம் செய்ய இயக்குனர் அஜய் ஞானமுத்து வற்புறுத்தினார் என காமெடியாக வெளியிட்ட வீடியோ தற்போது வைரல் ஆகி வருகிறது
விக்ரம் நடித்துவரும் திரைப்படங்களில் ஒன்று ’கோப்ரா’. இந்த படத்தை அஜய்ஞானமுத்து இயக்கி வருகிறார் என்பதும் இன்று அஜய்ஞானமுத்து தனது பிறந்த நாளை கொண்டாடி வருவதை அடுத்து அவருக்கு வாழ்த்துக்கள் குவிந்து வருகிறது என்பதும் தெரிந்ததே
இந்த நிலையில் ’கோப்ரா’ படத்தில் பிரபல கிரிக்கெட் வீரர் இர்பான் பதான் முக்கிய வேடத்தில் நடித்து வருகிறார். இவர் இந்த படத்தில் துருக்கி இன்டர்போல் அதிகாரியாக நடித்து வருகிறார் என்பது குறிப்பிடத்தக்கது. தனது முதல் பட இயக்குனரான அஜய் ஞானமுத்துவுக்கு தனது பிறந்தநாளை தெரிவித்துக்கொள்வதாக பிரபல கிரிக்கெட் வீரர் இர்பான் பதான் தெரிவித்துள்ளார்.
மேலும் ’கோப்ரா’ படப்பிடிப்பின் போது எடுத்த ஒரு வீடியோவையும் அவர் தனது டுவிட்டர் பக்கத்தில் வெளியிட்டுள்ளார். இயக்குனர் அஜய்ஞானமுத்து என்னிடம் நான்கு வரிகள் கொண்ட வசனத்தை கொடுத்துவிட்டு ஒரே நிமிடத்தில் மனப்பாடம் செய்ய வேண்டும் என்று கூறியதாக அவர் கூற, அஜய்ஞானமுத்து உள்பட படக்குழுவினர் அனைவரும் சிரிக்கும் காட்சி அந்த வீடியோவில் உள்ளது. இந்த வீடியோ தற்போது வைரல் ஆகி வருகிறது என்பது குறிப்பிடத்தக்கது
Wishing my first movie director and a really good guy @AjayGnanamuthu very happy birthday,may you get all the success you deserve. By the way he loves giving me surprises exactly like in this video?? #birthday #Tamil pic.twitter.com/d9V4hgD72d
— Irfan Pathan (@IrfanPathan) September 15, 2020