'இரவுக்கு ஆயிரம் கண்கள்' படத்தின் ஓப்பனிங் வசூல் விபரம்
- IndiaGlitz, [Monday,May 14 2018]
மிகப்பெரிய அரசியல் பின்னணியில் இருந்து வந்த நடிகர் என்றாலும் அந்த பின்னணியை பயன்படுத்தாமல் முதல் படத்தில் இருந்து கதை மற்றும் இயக்குரை தேர்வு செய்வதில் மிக கவனமாக உள்ளார் அருள்நிதி. இதனால் அவர் நடித்த மெளனகுரு, டிமேண்டி காலனி, ஆறாது சினம் உள்பட அனைத்து படங்களும் பாக்ஸ் ஆபீசில் ஹிட்டாகியுள்ளது.
கதை தேர்வு, ஈடுபாட்டுடன் கூடிய உழைப்பால் கோலிவுட் திரையுலகில் தனக்கென ஒரு இடத்தை பிடித்துள்ள அருள்நிதியின் நடிப்பில் கடந்த வெள்ளியன்று வெளியான திரைப்படம் 'இரவுக்கு ஆயிரம் கண்கள். இந்த படத்திற்கு ஊடகங்களும் சமூக வலைத்தளங்களும் பாசிட்டிவ் ரிசல்ட்டை கொடுத்துள்ளதால் இந்த படத்தின் ஓப்பனிங் வசூல் திருப்திகரமாக இருப்பதாக தகவல்கள் வெளிவந்துள்ளது.
குறிப்பாக இந்த படம் சென்னையில் 20 திரையரங்க வளாகங்களில் 176 காட்சிகள் திரையிடப்பட்டு ரூ.62,37,508 வசூல் செய்துள்ளது. திரையரங்குகளில் 85% பார்வையாளர்கள் இருந்தது மட்டுமின்றி அருள்நிதிக்கு இந்த படத்தின் ஓப்பனிங் வசூல் தான் அவர் படங்களின் அதிகபட்ச ஓப்பனிங் வசூல் என்பது குறிப்பிடத்தக்கது