கடந்த ஒரு மாதத்திற்கும் மேலாக நடைபெற்று வந்த ஐபிஎல் கிரிக்கெட் திருவிழா ஒருவழியாக வரும் ஞாயிறுடன் முடிவுக்கு வருகிறது. ஐபிஎல் தொடரில் இன்னும் இரண்டே போட்டிகள் மட்டுமே உள்ளது. ஒன்று சென்னை மற்றும் டெல்லி அணி மோது இரண்டாவது பிளே ஆஃப் போட்டி மற்றும் இந்த போட்டியில் வெற்றி பெறும் அணியும் மும்பையும் மோதும் இறுதிப்போட்டி

நாளை நடைபெறும் இரண்டாவது பிளே ஆஃப் போட்டியில் சென்னை மற்றும் டெல்லி அணிகள் மோதவுள்ள நிலையில் இந்த போட்டியில் சென்னை அணி வென்று இறுதிப்போட்டியில் மும்பையுடன் மோதும் என பெரும்பாலான ரசிகர்கள் எதிர்பார்க்கின்றனர். இந்த எதிர்பார்ப்பு நிஜமானால் இறுதி போட்டி அனல் பறக்கும் என்பதில் சந்தேகம் இருக்காது.

இந்த நிலையில் ஐதராபாத் மைதானத்தில் நடைபெறவுள்ள ஐபிஎல் இறுதிப்போட்டிக்கான டிக்கெட்டுக்கள் ஆன்லைன் மூலம் சற்றுமுன் விற்பனை தொடங்கிய நிலையில் இரண்டே நிமிடங்களில் அனைத்து டிக்கெட்டுக்களும் விற்றுத்தீர்ந்துவிட்டது. இதனால் ஆயிரக்கணக்கான டிக்கெட் கிடைக்காத ரசிகர்கள் அதிர்ச்சியுடன் கூடிய ஏமாற்றம் அடைந்தனர்.