ఈనెల 23న ఇంట్లో దెయ్యం నాకేం భ‌యం
- IndiaGlitz, [Thursday,December 15 2016]
అల్ల‌రి న‌రేష్ హీరోగా జి.నాగేశ్వ‌ర‌రెడ్డి ద‌ర్శ‌క‌త్వంలో రూపొందిన హర్రర్ ఎంట‌ర్ టైన‌ర్ ఇంట్లో దెయ్యం నాకేం భ‌యం. అత్తారింటికి దారేది, నాన్న‌కు ప్రేమ‌తో...చిత్రాల‌ను నిర్మించిన భారీ చిత్రాల నిర్మాణ సంస్థ శ్రీ వెంకటేశ్వర సినీచిత్ర అధినేత బి.వి.ఎస్.ఎన్.ప్ర‌సాద్ ఈ చిత్రాన్ని నిర్మించారు. హర్రర్, ఎంట‌ర్ టైన్మెంట్, స‌స్పెన్స్...ఇలా ప్రేక్ష‌కులు కోరుకునే అంశాల‌తో ఈ చిత్రాన్ని రూపొందించారు.
అల్ల‌రి న‌రేష్ - జి.నాగేశ్వ‌ర‌రెడ్డి కాంబినేష‌న్లో వ‌చ్చిన సీమ‌శాస్త్రి, సీమ‌ట‌పాకాయ్ చిత్రాలు సూప‌ర్ స‌క్సెస్ సాధించాయి. దీంతో వీరి కాంబినేష‌న్లో వస్తున్న ఇంట్లో దెయ్యం నాకేం భ‌యం విజ‌యం సాధించి హ్యాట్రిక్ మూవీగా నిలుస్తుంది అని టీమ్ న‌మ్మ‌కంగా ఉన్నారు. ఇదిలా ఉంటే...ఈ చిత్రాన్ని ఈనెల 30న రిలీజ్ చేయాలి అనుకున్నారు. అయితే...ఈనెల 23న రావాల్సిన సూర్య సింగం 3 వాయిదా ప‌డ‌డంతో ఇంట్లో దెయ్యం నాకేం భ‌యం ఒక వారం ముందుగానే ప్రేక్ష‌కుల ముందుకు వ‌చ్చేస్తుంది.