యువ క‌థానాయ‌కుడు నితిన్ చాలా గ్యాప్ తీసుకుని భీష్మ సినిమా చేశాడు. ఈ సినిమా ఈ ఏడాది విడుద‌లై మంచి స‌క్సెస్‌ను సొంతం చేసుకున్నారు. ఈ సినిమా త‌ర్వాత నితిన్‌కు నాలుగు సినిమాలు లైన్‌లో ఉన్నాయి. అందులో ముందుగా విడుద‌ల కావాల్సింది రంగ్‌దే సినిమా. ఈ సినిమా షూటింగ్ ద‌శ‌లో ఉంది. ఈ సినిమా షూటింగ్ ఫైన‌ల్ స్టేజ్‌కు చేరుకుంది. అదే స‌మ‌యంలో క‌రోనా రావ‌డంతో సినిమా షూటింగ్ ఆగింది.

క‌రోనా ప్ర‌భావం త‌గ్గ‌గానే నితిన్ రంగ్‌దే సినిమాను పూర్తి చేసి త‌దుప‌రి సినిమాల‌పై ఫోక‌స్ పెట్ట‌బోతున్నాడు. నితిన్ వ‌రుస‌లో ఉన్న సినిమాల్లో కృష్ణ‌చైత‌న్య ద‌ర్శ‌క‌త్వంలో చేయ‌బోయే ప‌వ‌ర్ పేట సినిమా కూడా ఒక‌టి. ఈ సినిమా రెండు భాగాలుగా తెర‌కెక్క‌నుంది. ఈ సినిమాలో నితిన్ మూడు షేడ్స్‌లో క‌న‌ప‌డ‌బోతున్నాడు. 20...40..60 ఏళ్ల వ్య‌క్తిగా మూడు షేడ్స్‌లో నితిన్ క‌న‌ప‌డ‌బోతున్నాడట‌. ఈ మూడు షేడ్స్‌ను స‌రికొత్త‌గా చూపించ‌డానికి ఇంట‌ర్నేష‌న‌ల్ మేక‌ప్ మ్యాన్‌ను తీసుకురావ‌డాఆనికి నితిన్ అండ్ టీమ్ వ‌ర్క్ చేస్తుంద‌ట‌. మ‌రి క‌రోనా ప‌రిస్థితుల్లో ఇది ఎంత వ‌ర‌కు సాధ్య‌మ‌వుతుందో చూడాలి. అలాగే ఈ సినిమాకు సంబంధించి హీరోయిన్‌గా ఎవ‌రిని తీసుకోవాల‌ని పెద్ద చ‌ర్చే జ‌రిగింది. చివ‌ర‌కు కీర్తిసురేష్‌నే ఎంపిక చేశార‌ని టాక్ విన‌ప‌డుతోంది.