பொன்னியின் செல்வன் திரைப்படம் வரும் செப்டம்பர் 30ஆம் தேதி பிரமாண்டமாக உலகம் முழுவதும் தமிழ் உள்பட 5 மொழிகளில் வெளியாக இருக்கும் நிலையில் இந்த படத்தின் இறுதிகட்ட போஸ்ட் புரொடக்ஷன் பணிகள் தற்போது விறுவிறுப்பாக நடைபெற்று வருகின்றன.

இந்த நிலையில் இந்த படத்தின் இசையமைப்பாளர் இசைப்புயல் ஏஆர் ரஹ்மான் தற்போது அமெரிக்காவில் இசை நிகழ்ச்சி நடத்துவதற்காக சென்றுள்ளார் என்றாலும் ஓய்வு நேரத்தில் அவர் அங்கிருந்து கொண்டே ’பொன்னியின் செல்வன்’ படத்தின் பின்னணி இசை பணிகளை கவனித்து வருகிறார்.

இந்த நிலையில் சற்று முன் அவர் தனது சமூக வலைத்தளத்தில் பிரபல அமெரிக்க இசை கம்போஸர் கிரேக் டெளன்லியுடன் இணைந்து பின்னணி இசை அமைத்து வருகிறார். இது குறித்த புகைப்படத்தை அவர் வெளியிட்டுள்ள நிலையில் இந்த புகைப்படம் தற்போது வைரலாகி வருகிறது.

பொன்னியின் செல்வன் படத்தின் பின்னணி இசைக்காக ஏஆர் ரஹ்மானுடன் சர்வதேச பிரபலம் ஒருவர் இணைந்துள்ளது அந்த படத்தின் எதிர்பார்ப்பை அதிகரித்துள்ளது என்பது குறிப்பிடத்தக்கது.

விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, விக்ரம் பிரபு, பிரபு, ஜெயராம், ஐஸ்வர்யா லட்சுமி, சரத்குமார், பார்த்திபன், பிரகாஷ்ராஜ், ரகுமான், கிஷோர், அஸ்வின், நிழல்கள் ரவி, ரியாஸ்கான், லால், மோகன் ராமன், பாலாஜி சக்திவேல் உள்பட பலர் நடித்துள்ள இந்த படத்தை லைகா மற்றும் மெட்ராஸ் டாக்கீஸ் நிறுவனங்கள் இணைந்து தயாரித்துள்ளது.
 

View this post on Instagram

A post shared by ARR (@arrahman)