சிவகார்த்திகேயன் அடுத்த படத்தில் கவுண்டமணி?
- IndiaGlitz, [Wednesday,September 02 2015]
கடந்த சில நாட்களுக்கு முன்னர் நடிகர் சிவகார்த்திகேயன், பிரபல காமெடி நடிகர் கவுண்டமணியை மரியாதை நிமித்தமாக சந்தித்ததாக செய்திகள் வெளிவந்துள்ளது. தற்போது வந்துள்ள தகவலின்படி சிவகார்த்திகேயன் நடிக்கவுள்ள அடுத்த படத்தில் கவுண்டமணி ஒரு முக்கிய கேரக்டரில் நடிக்கவுள்ளதாக கூறப்படுகிறது..
'ரஜினி முருகன்' படத்தை அடுத்து புதுமுக இயக்குனர் பாக்யராஜின் இயக்கத்தில் சிவகார்த்திகேயன் ஒரு படத்தில் நடிக்க ஒப்பந்தமாகியுள்ளார். இந்த படத்தில்தான் கவுண்டமணி நடிக்கவுள்ளதாக கூறப்படுகிறது. இந்த படத்தை சிவகார்த்திகேயனின் நண்பர் ஆர்.டி.ராஜா தயாரிக்கின்றார். பி.சி.ஸ்ரீராம் ஒளிப்பதிவு செய்யும் இந்த படத்திற்கு அனிருத் இசையமைக்கின்றார். ஆஸ்கார் விருது பெற்ற ரசூல் பூக்குட்டி சவுண்ட் டிசைனராக இந்த படத்தில் பணிபுரியவுள்ளார்.
முழுக்க முழுக்க நகைச்சுவைக்கு முக்கியத்துவம் கொடுக்கும் இந்த படத்தில் சிவகார்த்திகேயனுக்கு ஜோடியாக எமிஜாக்சன் நடிப்பார் என எதிர்பார்க்கப்படுகிறது. இந்த படத்தில் சிவகார்த்திகேயன் பெண் வேடம் உள்பட மூன்றுவித கெட்டப்புகளில் நடிக்கவுள்ளார். 'ஐ' படத்திற்கு மேக்கப்மேனாக பணியாற்றிய ஹாலிவுட்டின் பிரபல மேக்கப் கலைஞர் சீன் ஃபுட், சிவகார்த்திகேயனுக்கு மேக்கப் போடவுள்ளார்.