ఎన్టీఆర్ 30.. మరో ఆసక్తికరమైన టైటిల్‌
- IndiaGlitz, [Saturday,December 12 2020]
యంగ్ టైగ‌ర్ ఎన్టీఆర్ ప్ర‌స్తుతం రాజ‌మౌళి దర్శకత్వంలో మెగాప‌వ‌ర్‌స్టార్ రామ్‌చ‌ర‌ణ్‌తో క‌లిసి భారీ బ‌డ్జెట్ చిత్రం ‘రౌద్రం ర‌ణం రుధిరం(ఆర్ఆర్ఆర్‌)’లో న‌టిస్తోన్న సంగ‌తి తెలిసిందే. కరోనా ఎఫెక్ట్ లేకుండా ఉంటే ఈపాటికి చిత్రీక‌ర‌ణ ముగిసేది. ఎన్టీఆర్ త‌దుప‌రి సినిమా త్రివిక్రమ్ దర్శకత్వంలో ప్రారంభ‌మై ఉండేది. కానీ ప‌రిస్థితుల‌పై క‌లిసి రాలేదు. ఈ విష‌యాన్ని ప‌క్క‌న పెడితే త్రివిక్రమ్ మాత్రం ఓపిక‌గానే తార‌క్ కోసం వెయిటింగ్‌లో ఉన్నాడు. 'అరవిందసమేత' తర్వాత ఎన్టీఆర్, త్రివిక్రమ్ కాంబినేషన్‌లో రానున్న ఈ సినిమాకు ‘అయిన‌ను పోయి రావలె హస్తినకు’ అనే టైటిల్‌ను అనుకుంటున్న‌ట్లు వార్తలు వినిపించాయి. కానీ ఇప్పుడు త్రివిక్రమ్ టైటిల్‌ను మార్చడని, 'రాజా వచ్చినాడు' అనే మరో టైటిల్‌ కూడా పరిశీలనలో ఉన్నట్లు వార్తలు వినిపిస్తున్నాయి.
అలాగే ఈ సినిమాలో విల‌న్‌గా మంచు మ‌నోజ్‌ను న‌టింప చేస్తార‌ని వార్తలు విన‌ప‌డ్డాయి. ఎన్టీఆర్, మంచు మ‌నోజ్ మ‌ధ్య మంచి స్నేహితులు. ఈ స్నేహ‌బంధం కార‌ణంగా మంచు మ‌నోజ్ ఏమైనా ఈ సినిమాలో న‌టించ‌డానికి ఒప్పుకుంటాడేమో చూడాలి. అలాగే ఈ సినిమాలో ఇద్ద‌రు హీరోయిన్స్‌లో ఇప్ప‌టికే ఓ హీరోయిన్‌గా పూజా హెగ్డే న‌టిస్తుండ‌గా, మరో హీరోయిన్ పాత్ర‌లో న‌భాను ఎంపిక చేశార‌ని టాక్. ఇందులో న‌భా న‌టేశ్ తెలంగాణ అమ్మాయిగా క‌నిపించ‌నుంద‌ని కూడా టాక్ వినిపిస్తోంది. హారిక అండ్ హాసిని క్రియేష‌న్స్‌, ఎన్టీఆర్ట్స్ ప‌తాకాల‌పై ఈ సినిమా నిర్మితం కానుంది.