ప‌వ‌ర్ స్టార్ ప‌వ‌న్ క‌ళ్యాణ్ మాత్ర‌మే కాదు.. ఆయ‌న అభిమాని నితిన్ కూడా వ‌చ్చే ఏడాది 25వ చిత్రంతో ప‌ల‌క‌రించ‌బోతున్నాడు. ప‌వ‌న్ అజ్ఞాత‌వాసితో 25 చిత్రాల‌ను పూర్తిచేసుకుంటే.. నితిన్ ఏమో ప‌వ‌న్‌, మాట‌ల మాంత్రికుడు త్రివిక్ర‌మ్ క‌లిసి నిర్మిస్తున్న చిత్రంతో 25 సినిమాల‌ను పూర్తిచేసుకుంటున్నాడు.

రౌడీ ఫెలోతో తెలుగు ప్రేక్ష‌కుల‌ను ఆక‌ట్టుకున్న రైట‌ర్ క‌మ్ డైరెక్ట‌ర్ కృష్ణ చైత‌న్య ఈ చిత్రానికి ద‌ర్శ‌క‌త్వం వ‌హిస్తున్నాడు. నితిన్ గ‌త చిత్రం లైలో హీరోయిన్‌గా న‌టించిన మేఘా ఆకాష్ ఇందులోనూ క‌థానాయిక‌గా న‌టిస్తోంది. యువ సంగీత సంచ‌ల‌నం త‌మ‌న్ సంగీతమందిస్తున్న ఈ చిత్రం ఇటీవ‌లే యుఎస్ లో భారీ షెడ్యూల్ జ‌రుపుకుంది.

అతి త్వ‌ర‌లో మ‌రో షెడ్యూల్‌కి సిద్ధ‌మ‌వుతున్న ఈ సినిమాకి ఓ ఆస‌క్తిక‌ర‌మైన టైటిల్ వినిపిస్తోంది. ఇంత‌కీ ఆ టైటిల్ ఏమిటంటే.. గుర్తుందా శీతాకాలం. అయితే దీనిపై ఎలాంటి అఫీషియ‌ల్ స్టేట్‌మెంట్ రాలేదు. టైటిల్ చూస్తుంటే.. ఈ సినిమా రొమాంటిక్ ఎంట‌ర్‌టైన‌ర్ అనిపిస్తోంది.