సూపర్‌‌స్టార్ మహేశ్ బాబు, పూజా హెగ్దే జంటగా వంశీ పైడిపల్లి తెరకెక్కించిన చిత్రం ‘మహర్షి’. మరికొన్ని గంటల్లో (మే-09)అభిమానుల ముందుకు ‘మహర్షి’ రాబోతున్నాడు. ‘స్పైడర్’, ‘బ్రహ్మోత్సవం’ లాంటి చిత్రాలు మహేశ్‌కు కలిసి రాకపోవడంతో ఆచితూచి అడుగులేసిన నిర్మాతలు.. అటు ప్రొడ్యూసర్స్‌ ఇటు హీరోకు ఇద్దరికీ లక్కీ నంబర్‌‌ అయిన ‘09’న చిత్రాన్ని రిలీజ్ చేస్తున్నారు. కాగా ఇది కూడా ఒక సెంటిమెంట్‌గానే చిత్రబృందం ఫీలవుతోంది.

‘మహర్షి’లో మూడు కాదు ఐదు గెటప్‌‌లట..

ఇక అసలు విషయానికొస్తే.. ‘మహర్షి’లో ‘మహర్షి’ మూడు గెటప్స్‌లో కనిపిస్తాడని ఇప్పటికే ట్రైలర్స్, టీజర్స్, పోస్టర్‌లు చూడగానే తెలిసిపోయింది. అయితే కొన్ని గంట్లలో అభిమానుల ముందుకు సినిమా రానుండగా తిన్నగా లీకులొస్తున్నాయ్. అయితే ట్రైలర్స్‌లో చూసినట్లుగా ఈ మూవీలో మహేశ్ మూడు గెటప్‌లలో కాదు ఐదు గెటప్స్‌లో కనిపిస్తారట. ఇప్పటికే విద్యార్థి, కంపెనీ సీఈవో, రైతుగా మూడు గెటప్‌లు తెలిసిపోయాయ్.. ఇక మిగిలిన రెండు గెటప్స్ ఏంటి..? అసలు ఆ రెండు గెటప్స్ సినిమాకు ప్లస్ అవుతాయా..? మైనస్ అవుతాయా..? ఇందులో నిజమెంత..? అని సినీ ప్రియులు, మహేశ్ అభిమానుల్లో సర్వత్రా ఆసక్తితో పాటు టెన్షన్ కూడా మొదలైందట.

చాలా రోజుల తర్వాత కాలేజ్‌ స్టూటెంట్‌గా కనిపించబోతున్న ఈ గెటప్ కోసం చాలా కష్టపడ్డారని డైరెక్టర్ వంశీ ఇప్పటికే పలు ఇంటర్వ్యూలో చెప్పుకొచ్చారు. అంతేకాదు కేవలం కాలేజీలోనే 45 నిమిషాలు ఉండే ఈ ఎపిసోడ్‌ పండితే సినిమా విజయానికి ఇక తిరుగులేదని విశ్లేషకులు చెబుతున్నారు. సో.. సినిమా పరిస్థితేంటో..? లక్కీ నంబర్స్ ఏ మాత్రం కలిసొస్తాయో..? ఐదు గెటప్‌లో ఏ మాత్రం పనిచేస్తాయో..? అనేది తెలియాలంటే మరికొన్ని గంటలు వేచి చూడాల్సిందే మరి.