చిరు 151వ చిత్రం ఇదే..!
- IndiaGlitz, [Wednesday,January 25 2017]
మెగాస్టార్ చిరంజీవి న‌టించిన 150వ చిత్రం ఖైదీ నెం 150 రికార్డ్ స్ధాయిలో 100 కోట్ల‌కు పైగా క‌లెక్ష‌న్స్ వ‌సూలు చేసి సంచ‌ల‌నం సృష్టించిన విషయం తెలిసిందే. ఇదిలా ఉంటే... డైన‌మిక్ డైరెక్ట‌ర్ వినాయ‌క్ చిరంజీవి గారు 151వ చిత్రంలో ఇంకా యంగ్ గా క‌నిపిస్తారు అని చెప్పారు. అలాగే మెగా ప‌వ‌ర్ స్టార్ రామ్ చ‌ర‌ణ్ 151వ చిత్రాన్ని కూడా కొణిదెల ప్రొడ‌క్ష‌న్ బ్యాన‌ర్ పై నేనే నిర్మిస్తాను అని ఎనౌన్స్ చేయ‌డంతో మెగాస్టార్ 151 వ చిత్రం పై ఆస‌క్తి పెరుగుతుంది.
ఇక చిరు 151 మూవీ గురించి లేటెస్ట్ న్యూస్ ఏమిటంటే....ఎప్ప‌టి నుంచో చిరంజీవి ఉయ్యాల‌వాడ న‌ర‌సింహారెడ్డి జీవిత క‌థ‌తో సినిమా చేయాలి అనుకుంటున్నారు. ఇప్పుడు 151వ సినిమాకి ఈ క‌థ‌నే ఫైన‌ల్ చేసిన‌ట్టు సమాచారం. ప‌రుచూరి బ్ర‌ద‌ర్స్ ఎప్ప‌టి నుంచో ఉయ్యాల‌వాడ న‌ర‌సింహారెడ్డి స్టోరీని రెడీ చేస్తున్నారు. ఇటీవ‌ల ప‌రుచూరి బ్ర‌ద‌ర్స్ చిరంజీవికి ఉయ్యాల‌వాడ న‌ర‌సింహారెడ్డి క‌థ వినిపించ‌డం, చిరు గ్రీన్ సిగ్న‌ల్ ఇవ్వ‌డం జ‌రిగింద‌ని సమాచారం. ఈ చిత్రాన్ని డైరెక్ట్ చేసే అవ‌కాశం స్టైలీష్ డైరెక్ట‌ర్ సురేంద‌ర్ రెడ్డికి ఇచ్చార‌ని తెలిసింది. ఈ చారిత్రాత్మ‌క చిత్రాన్ని ఏప్రిల్ లో ప్రారంభించి వ‌చ్చే స‌మ్మ‌ర్ లో రిలీజ్ చేసేందుకు ప్లాన్ చేస్తున్నార‌ని ప్ర‌చారం జ‌రుగుతుంది.