பொக்கேவுக்கு பதில் செக்: இரும்புத்திரை ஆடியோ விழாவில் அசத்திய விஷால்
- IndiaGlitz, [Saturday,January 20 2018]
விஷால், அர்ஜூன், சமந்தா நடிப்பில் இயக்குனர் மித்ரன் இயக்கிய 'இரும்புத்திரை' திரைப்படத்தின் இசை வெளியீட்டு விழா இன்று சென்னையில் நடைபெற்றது. இந்த விழாவில் இசையமைப்பாளர் யுவன்ஷங்கர் ராஜா உள்பட படக்குழுவினர் அனைவரும் கலந்து கொண்டனர்.
இந்த நிலையில் ஒவ்வொரு இசை வெளியீட்டு விழாவிலும் கலந்து கொள்ளும் சிறப்பு விருந்தினர்களுக்கு பொக்கே கொடுத்து வரவேற்பு கொடுப்பது வழக்கமாக இருந்து வரும் நிலையில் இன்று நடைபெற்ற விழாவில் பொக்கேவுக்கு செலவு செய்யப்படும் பணத்தை இரண்டு செக்காக மாற்றி இரண்டு ஏழை மாணவர்களின் படிப்பு செலவுக்கு விஷால் அளித்துள்ளார்.
ஒருசில நிமிடங்களுக்கு பின்னர் குப்பைக்கு போக்கும் பொக்கேவுக்கு பதிலாக இரண்டு மாணவர்களின் கல்வி விளக்கை ஏற்றி வைத்த விஷாலின் அசத்தலான முயற்சிக்கு பாராட்டுக்கள் குவிந்து வருகிறது.