ஜோதிகாவை பார்த்து காப்பியடிச்சேன்.. பிரபல சீரியல் நடிகையின் வேற லெவல் வீடியோ..!
- IndiaGlitz, [Saturday,July 22 2023]
கடந்த சில மாதங்களுக்கு முன்னர் நடிகை ஜோதிகா தலைகீழாக ஒர்க்அவுட் செய்த வீடியோ இணையத்தில் வைரலான நிலையில் ஜோதிகாவை பார்த்து காப்பி அடிக்கிறேன் என்று பிரபல சீரியல் நடிகை தலைகீழாக ஒர்க்அவுட் செய்யும் வீடியோவை வெளியிட்டுள்ள நிலையில் இந்த வீடியோ தற்போது வைரலாகி வருகிறது.
சின்னத்திரை சீரியல்கள் மூலம் பிரபலமானவர்களில் ஒருவர் நடிகை ஃபரீனா ஆசாத். இவர் தற்போது ’பாரதி கண்ணம்மா 2’ என்ற சீரியலில் வெண்பா என்ற கேரக்டரில் நடித்து வருகிறார். ’மிஸ்டர் அண்ட் மிஸஸ் சின்னத்திரை’ ’கலக்கப்போவது யாரு சாம்பியன்ஸ்’ உள்பட பல நிகழ்ச்சிகளில் இவர் கலந்து கொண்டுள்ளார்.
இந்த நிலையில் இன்ஸ்டாகிராமில் ஆக்டிவாக இருக்கும் ஃபரீனா ஆசாத் ஒரு மில்லியனுக்கும் அதிகமான ஃபாலோயர்களை வைத்துள்ளார் என்பதும் அவ்வப்போது தனது குடும்ப புகைப்படங்கள், ஒர்க்கவுட் செய்யும் புகைப்படங்களை வெளியிட்டு வருவார்.
அந்த வகையில் சற்று முன் அவர், ‘ஜோதிகாவின் வீடியோவை பார்த்து அவரைப் போலவே முயற்சிக்கிறேன் என்று தலைகீழாக ஒர்க்அவுட் செய்யும் வீடியோவை வெளியிட்டுள்ள நிலையில் அந்த வீடியோவுக்கு ஏராளமான கமெண்ட்ஸ் பதிவாகி வருகிறது.