చియాన్ విక్ర‌మ్‌కు త‌మిళంతో పాటు తెలుగులో కూడా మంచి మార్కెట్ ఉంది. త‌న విల‌క్ష‌ణ న‌ట‌న‌తో తెలుగు ఆడియెన్స్‌లో క్రేజ్ క్రియేట్ చేసుకున్న ఈ న‌టుడు న‌టించిన ఐ చిత్రం తెలుగులో ఆశించిన సక్సెస్‌ను అందుకోలేదు. త‌ర్వాత మ‌ధ్య‌లో 10 ఎన్ర‌త్తు కుల్ల సినిమాను తెలుగులో విడుద‌ల చేయ‌నే లేదు.

ఇప్పుడు ఆనంద్ శంక‌ర్ ద‌ర్శ‌క‌త్వంలో రూపొందిన `ఇరుముగ‌న్` చిత్రాన్ని తెలుగులో `ఇంకొక్క‌డు` పేరుతో విడుద‌ల చేస్తున్నారు. అస‌లు విష‌య‌మేమంటే ఈసినిమా త‌మిళ వెర్ష‌న్ సెప్టెంబ‌ర్ 2న విడుద‌ల‌వుతుంది. కానీ తెలుగు వెర్ష‌న్ మాత్రం సెప్టెంబ‌ర్ 2న విడుద‌లవుతుందా అనే చిన్న క‌న్‌ఫ్యూజ‌న్ క్రియేట్ అయ్యింది. ఎందుకంటే అదే రోజున ఎన్టీఆర్ జ‌న‌తాగ్యారేజ్ విడుద‌ల‌వుతుండ‌ట‌మే. థియేట‌ర్స్ స‌మ‌స్య కార‌ణంగా సినిమాను విడుద‌ల చేసే అవ‌కాశం లేదంటున్నారు. కాగా మ‌రికొంద‌రు మాత్రం జ‌న‌తాగ్యారేజ్ సెప్టెంబ‌ర్ 2న విడుద‌ల‌కావ‌డం లేద‌ని, కాబ‌ట్టి తెలుగులో విక్ర‌మ్ మూవీ వ‌చ్చే అవ‌కాశాలు క‌న‌ప‌డుతున్నాయి. దీంతో విక్ర‌మ్ అభిమానుల్లో చిన్న‌పాటి క‌న్‌ఫ్యూజ‌న్ క్రియేట్ అయ్యింది.