ഷാജികുമാറിനെ കാത്ത്Â 'മോഹൻലാൽ '
- IndiaGlitz, [Saturday,June 17 2017]
മോഹൻലാലിന്റെ ആരാധിക മീനുക്കുട്ടിയായി മഞ്ജുവാര്യർ അഭിനയിക്കുന്ന മോഹൻലാലിന്റെ ചിത്രീകരണം ഷെഡ്യൂൾ പായ്ക്കപ്പായി. ഷാജികുമാറാണ് മോഹൻലാലിന്റെ ഛായാഗ്രഹണം നിർവഹിക്കുന്നത്. ദിലീപ് നായകനാകുന്ന രാമലീലയുടെ കാമറാമാനും ഷാജികുമാറാണ്. രാമലീലയുടെ അവസാന ഘട്ട ചിത്രീകരണം ഇപ്പോൾ കോയമ്പത്തൂരിൽ നടക്കുകയാണ്. രാമലീലയുടെ ചിത്രീകരണത്തിനായി പോകുന്ന ദിവസങ്ങളിൽ മോഹൻലാലിന് മറ്റൊരു കാമറാമാനെ ക്ലാഷ് വർക്ക് ഏല്പിക്കാമെന്ന് ഷാജികുമാർ പറഞ്ഞെങ്കിലും മോഹൻലാലിന്റെ അണിയറ പ്രവർത്തകർക്ക് അത് സ്വീകാര്യമായിരുന്നില്ല. ഷാജി തന്നെ മതിയെന്ന നിലപാടായിരുന്നു അവർ. രാമലീലയുടെ ചിത്രീകരണം പൂർത്തിയാക്കി അടുത്ത ദിവസങ്ങളിൽ ഷാജികുമാർ വീണ്ടും മോഹൻലാലിന്റെ സെറ്റിൽ ജോയിൻ ചെയ്യും. വൻ വിജയമായ മോഹൻലാൽ ചിത്രം പുലിമുരുകനാണ് ഷാജികുമാറിന്റെ മാർക്കറ്റ് ഉയർത്തിയത്. പത്രപ്രവർത്തകനായിരുന്ന സുനീഷ് വാരനാട് രചന നിർവഹിച്ച് സാജിദ് യഹിയ സംവിധാനം ചെയ്യുന്ന മോഹൻലാലിൽ ഇന്ദ്രജിത്താണ് നായകൻ.