மத்திய மனிதவள மேம்பாட்டு துறை வெளியிட்டுள்ள சிறந்த கல்வி நிறுவனங்களுக்கான பட்டியலில் தொடர்ந்து இரண்டாவது ஆண்டாக சென்னை ஐஐடி நிறுவனம் இடம் பிடித்து இருக்கிறது. National Institution Ranking Framework (NIRF) தாயரித்த இந்தப் பட்டியலில் இந்தியாவில் உள்ள அனைத்து கல்வி நிறுவனங்களை விடவும் முதன்மையான கல்வி நிறுவனமாக சென்னை ஐஐடி நிறுவனம் தேர்ந்தெடுக்கப் பட்டுள்ளது என்பதும் குறிப்பிடத்தக்கது.

கற்றல், கற்பித்தல், உட்கட்டமைப்பு வசதிகள் இதன் அடிப்படையில் கல்வி நிறுவனங்களுக்கான தரத்தை மத்திய மனிதவள மேம்பாட்டுத் துறை கணக்கிட்டு வருகிறது. மேலும் 2015 ஆம் ஆண்டு செப்டம்பர் மாதத்தில் இருந்து சிறந்த கல்வி நிறுவனங்களுக்கான பட்டியலும் மனிதவளத் துறை அமைச்சகத்தால் வெளியிடப்பட்டு வருகிறது. பொறியியல் மேலாண்மை உள்ளிட்ட பிரிவுகளில் சிறந்த கல்வி நிறுவனங்களுக்கான பட்டியலைத் தற்போது மத்திய மனிதவளத் துறை அமைச்சகம் வெளியிட்டு இருக்கிறது. அதில் சென்னை ஐஐடி முதல் இடத்தையும் பெங்களூர் ஐஐஎஸ்சி, டெல்லி ஐஐடி அடுத்தடுத்த இடங்களையும் பிடித்து இருக்கின்றன. மேலும், தற்போது வெளியிடப் பட்டுள்ள பொறியியல், மேலாண்மை வரிசையில் இந்தியா முழுவதும் 5805 நிறுவனங்கள் இருக்கின்றன என்பதும் குறிப்பிடத்தக்கது.