ఆస్కార్ ఆహ్వానం అందుకున్న భార‌తీయ తార‌లు...
- IndiaGlitz, [Wednesday,June 27 2018]
ఆస్కార్ అవార్డుల‌ను ప్ర‌దానం చేసే ద అకాడ‌మీ ఆఫ్ మోష‌న్ పిక్చ‌ర్స్ అండ్ సైన్సెస్ సంస్థ కొత్తగా అవార్డులు ప్ర‌దానం చేయ‌డానికి 58 దేశాలు.. 928 మంది స‌భ్యుల‌కు ఆహ్వానం ప‌లికింది. ఈ లిస్టులో 20 మంది భార‌తీయ సినీ ప్ర‌ముఖులు ఉండ‌టం విశేషం. వారిలో బాలీవుడ్ కింగ్ ఖాన్ షారూక్, అనిల్ కపూర్, మాధురీ దీక్షిత్, టబులు ఉన్నారు. సీనియ‌ర్ న‌టులు నషరుద్దీన్ షా, సౌమిత్రా ఛటర్జీ, మధబీ ముఖర్జీలు కాకుండా చిత్ర నిర్మాణ రంగం నుండి ఆదిత్య చోప్రా, గునీత్ మోంగా స్టైలిష్ రంగానికి చెందిన కాస్ట్యూమ్ డిజైనర్లు మనీష్ మల్హోత్రా, డాలీ అహ్లూవాలియా, తోపాటు టెక్నిక‌ల్ రంగానికి చెందిన విభాగంలో సినిమాటోగ్రాఫర్లు అనిల్ మెహతా, దేబజిత్ చాంగ్‌మాయ్, బిశ్వదీప్ ఛటర్జీ, మ్యూజిక్ డైరెక్ట‌ర్స్ స్నేహ కన్‌వాల్కర్, ఉషా కన్నాలు ఉన్నారు.