இந்திய அரசியலமைப்பு சட்டம் ரஜினிக்கு தெரியாது: பிரபல அரசியல்வாதி
- IndiaGlitz, [Tuesday,May 23 2017]
சூப்பர் ஸ்டார் ரஜினிகாந்த் அரசியலுக்கு வரக்கூடாது என்று பல அரசியல் கட்சி தலைவர்கள் குரல் கொடுத்து வருகின்றனர். நேற்று சென்னையில் ஒரு அமைப்பின் சார்பில் ரஜினி உருவ பொம்மையும் எரிக்கப்பட்டு எதிர்ப்பு தெரிவிக்கப்பட்டது.
இந்த நிலையில் ஏற்கனவே ரஜினி அரசியலுக்கு வரக்கூடாது என்றும் அவர் படிப்பறிவு இல்லாதவர் என்றும் கருத்து கூறிய பாஜக மூத்த தலைவர் சுப்பிரமணியம் சுவாமி தற்போது மீண்டும் ரஜினி குறித்து சர்ச்சைக்குரிய ஒரு கருத்தை தெரிவித்துள்ளார். அவர் கூறியதாவது:
தமிழகத்தில் தற்போது உள்ள அரசியல் சூழலுக்கு ரஜினிகாந்த் ஏற்றவர் அல்ல. இந்திய அரசியலமைப்பு சட்டம், அடிப்படை உரிமைகள் முதலியவற்றைப் பற்றி அவருக்கு எதுவும் தெரியாது. அவர் சினிமாவில் நடிப்பதே சிறந்தது. நல்ல வசனங்களை பேசி மக்களை சந்தோஷப்படுத்தலாம்.
அரசியலில் நுழையும் நட்சத்திரங்கள் தமிழகத்திற்கு காமராஜ் செய்ததை பாழாக்கி இருக்கிறார்கள். அப்போது போடப்பட்ட அடிப்படை கட்டமைப்பையும் அழித்துவிட்டார்கள். சினிமா நட்சத்திரங்கள் அரசியலுக்கு வருவதை நான் வன்மையாக கண்டிக்கிறேன்.
இவ்வாறு அவர் தெரிவித்தார்.